Pushpa 2 : રિલીઝ પહેલા જ પુષ્પા 2 એ રેકોર્ડની લાઈન લગાવી દીધી, જાણો તમામ રેકોર્ડ

Puspa 2 : સાઉથની સુપરહિટ ફિલ્મ પુષ્પા ધ રાઈઝ નો બીજો ભાગ પુષ્પા ધ રૂલ રિલીઝ થવા માટે તૈયાર છે. ફિલ્મ સિનેમાઘરોમાં આવે તે પહેલા જ એક પછી એક રેકોર્ડ બનાવી રહી છે.

અલ્લુ અર્જુન અને રશ્મિકા મંદાના સ્ટારર આ ફિલ્મને લઈને ફેન્સમાં જોરદાર ઉત્સાહ જોવા મળી રહ્યો છે. આ જ કારણ છે કે ફિલ્મ રિલીઝ થાય તે પહેલા જ જોરદાર બુકિંગ જોવા મળી રહ્યું છે.

પુષ્પા 2નું પહેલું ટ્રેલરે આવતાની સાથે જ હલચલ મચાવી દીધી હતી. સાઉથની કોઈ ફિલ્મનું આ પહેલું ટ્રેલર હતું, જેને 24 કલાકમાં 4 કરોડ 80 લાખથી વધુ વ્યૂઝ મળ્યા હતા. આ ટ્રેલરે સૌથી ઝડપી 10 કરોડ વ્યૂનો રેકોર્ડ પણ પોતાના નામે કર્યો છે.

પુષ્પા ફિલ્મ મુંબઈના ગેઈટી-ગેલેક્સી મલ્ટિપ્લેક્સ પર રાજ કરવા જઈ રહી છે. આવું પહેલીવાર થવા જઈ રહ્યું છે કે ફિલ્મ થિયેટરની 6 સ્ક્રીન પર રિલીઝ થશે. ફિલ્મના દરરોજ 18 શો થવાના છે. આ થિયેટરમાં કોઈ એક ફિલ્મને 2 કે 3 સ્ક્રીન સ્પેસથી વધુ નથી મળતી.

જણાવી દઈએ કે, પુષ્પા 2 એ રિલીઝ પહેલા જ અલ્લુ અર્જુનની ફિલ્મ જવાનનો રેકોર્ડ તોડ્યો છે. પઠાણ વિશ્વભરમાં 8 હજાર સ્ક્રીન્સ પર રિલીઝ થઈ તો પુષ્પા-2 12 હજાર સ્ક્રીન્સ પર રિલીઝ થવા જઈ રહી છે. આ પહેલા કોઈ ફિલ્મ આટલી સ્ક્રીન પર રિલીઝ નથી થઈ.

પુષ્પા 2 એ એડવાન્સ ટિકિટ બુકિંગના રેકોર્ડ તોડ્યા છે. આ ફિલ્મે સૌથી ઝડપી બુક માય શો પર 10 લાખ ટિકિટો બુક કરીને રેકોર્ડ બનાવ્યો છે. આ ફિલ્મે કલ્કી 2898 એડી, બાહુબલી 2: ધ કન્ક્લુઝન અને KGF: ચેપ્ટર 2 ને પાછળ છોડીને ટિકિટ બુકિંગમાં ટોપ સ્થાન મેળવ્યુ છે.

ફિલ્મ એ એડવાન્સ બુકિંગમાં વિશ્વભરમાં 125 કરોડની કમાણી કરી છે. આ ફિલ્મે ભારતમાં જ 75 કરોડ રૂપિયાથી વધુની કમાણી કરીને રાજામૌલીની RRRનો રેકોર્ડ તોડ્યો છે.

અહેવાલો અનુસાર, આ ફિલ્મ પહેલા દિવસે ઘણા મોટા રેકોર્ડ પોતાના નામે કરી શકે છે. જાણકારો અનુસાર, ફિલ્મ પહેવા દિવસે જ 250 કરોડથી વધુની કમાણી કરી શકે છે.

English summary

Pushpa 2: Pushpa 2 set a record even before its release, know all the records