રેસ 2 : પ્રથમ વીકેન્ડમાં 50 કરોડની કમાણી
ગત 25મી જાન્યુઆરીના રોજ રિલીઝ થયેલી રેસ 2 ફિલ્મે પ્રથમ દિવસે 15 કરોડ, બીજા દિવસે 20 કરોડ અને 27મી જાન્યુઆરીના રોજ ત્રીજા દિવસે 16 કરોડ રુપિયા કમાવ્યાં. આ હિસાબે પ્રથમ ત્રણ દિવસોમાં ફિલ્મે 51.35 કરોડ રુપિયાની કમાણી કરી. શુક્રવારે અને શનિવારે પણ તમામ થિયેટરોમાં સરેરાશ 70થી 8 ટકા સીટો ભરેલી દેખાઈ. આ જ દરમિયાન રિલીઝ થયેલ આકાશ વાણી ફિલ્મ ખાસ બિઝનેસ નથી કરી શકી.
બાઝીગર ફિલ્મના દિગ્દર્શક અબ્બાસ-મસ્તાનના દિગ્દર્શક હેઠળ બનેલી રેસ 2 ફિલ્મ ખૂબ ઝડપી બિઝનેસ કરી રહી છે. આશા છે કે આવતા વીકેન્ડ સુધી આ ફિલ્મ 100 કરોડ રુપિયાનો આંકડો આંબી જશે. જો બ્રેકઅપ જોઇએ તો શુક્રવારે 15.12 કરોડ, શનિવાર 20.72 કરોડ તથા રવિવારે 15.51 કરોડની કમાણી આ ફિલ્મ કરી ચુકી છે.
જો છેલ્લી કેટલીક ફિલ્મો સાથે સરખામણી કરીએ તો રેસ 2 ફિલ્મે કૉકટેલ (36 કરોડ), હાઉસફુલ 2 (43.5) જેવી ફિલ્મોને માત આપી છે. રેસ 2 ફિલ્મોની રેસમાં સૌથી આગળ તો ચાલે જ છે, પરંતુ છતાંય શંકા હજીય છે કે આવતા વીકેન્ડ સુધી આ ફિલ્મ 100 કરોડનો આંકડો આંબી શકશે? એવું એટલા માટે, કારણ કે શનિવાર પછી તરત તેનો બિઝનેસ ડાઉન થયો છે.