Pics : રાજ કપૂર અને નરગિસનું ઑનસ્ક્રીન રોમાંસ

Published: Thursday, January 17, 2013, 12:40 [IST]

મુંબઈ, 17 જાન્યુઆરી : રાજ કપૂર અને નરગિસ 1940-60ના દશકાઓમાં બૉલીવુડની સૌથી સુંદર અને લોકપ્રિય જોડીઓમાંની એક હતી. આ બંને વચ્ચે અમેઝિંગ કેમેસ્ટ્રી હતી. ઑડિયંસને તેમને સાથે જોવું ખૂબ ગમતુ હતું. આ જોડીને દર્શકોનો ખૂબ પ્રેમ મળ્યો. જેટલી વાર આ બંને એક સાથે સ્ક્રીન પર આવતાં, એટલી જ વાર દર્શકો વધુ એક વખત તેમને જોવાની ઇચ્છા વ્યક્ત કરતા. થિયેટરોમાં તો આ જોડીને જોઈ લોકોની તાળીઓનો ગડગડાટ બંધ જ નહોતો થતો.

રાજ કપૂર તથા નરગિસે એક સાથે અનેક ફિલ્મોમાં કામ કર્યું તથા સિલ્વર સ્ક્રીન ઉપર ખૂબ સફળતા પામી. આ જોડીએ શ્રી 420, આવારા, બરસાત તથા આગ જેવી અનેક ફિલ્મોમાં કામ કર્યું. ફિલ્મ ઇન્ડસ્ટ્રીમાં તો અહીં સુધી કહેવાયું કે રાજ-નરગિસના રુદિયામાં એક-બીજા માટે કેટલાંક સૉફ્ટ કૉર્નર પણ હતાં અને બંને લગ્ન કરવા માંગતા હતાં. રાજ અને નરગિસ વચ્ચેના આ સૉફ્ટ કૉર્નર વિશે દરેકને ખબર હતી, પરંતુ ક્યારેય બંને એક્ટરોના દિલની વાત તેમના મુખે સોધી ન પહોંચી શકી.

અમે આપના માટે લઈને આવ્યાં છીએ રાજ કપૂર તથા નરગિસની અપૂર્ણ રહી ગયેલી પ્રણય કથા સાથે જોડાયેલી કેટલીક બાબતો આ તસવીરો સાથે. અહીં રાજ તથા નરગિસની કેટલીક વણજોયેલી તસવીરો પ્રસ્તુત છે. આ તસવીરો તેમની ફિલ્મોની છે કે જે ફિલ્મો તેમણે એક સાથે કરી હતી.