Pics : એક્સ મેન જોવા બાર્બી ગર્લ સાથે પહોંચ્યો રૉકસ્ટાર!

Updated: Saturday, May 17, 2014, 14:41 [IST]

મુંબઈ, 17 મે : બૉલીવુડના રૉકસ્ટાર રણબીર કપૂર તથા બાર્બી ડૉલ કૅટરીના કૈફ ગઈકાલે હૉલીવુડ ફિલ્મ એક્સ મેનના સ્પેશિયલ સ્ક્રીનિંગમાં એક સાથે પહોંચ્યાં. લાઇટ બૉક્સ થિયેટરમાં બૉલીવુડ સ્ટાર્સ માટે આ હૉલીવુડ ફિલ્મનું સ્પેશિયલ સ્ક્રીનિંગ યોજ્યુ હતું કે જેમાં રણબીર કપૂર તથા કૅટરીના કૈફ પણ નજરે પડ્યાં.

આ પ્રસંગે રણબીર કપૂર બહુ ખુશ નજરે પડતા હતાં. જોકે કૅટરીના કૈફની ઝલક તે વખતે દેખાઈ કે જ્યારે તેઓ કારમાં બેઠા હતાં. સ્ક્રીનિંગમાં અયાન મુખર્જી, અર્જુન કપૂર, અરુણોદય સિંહ સાથે બીજી સેલિબ્રિટીઓ પણ હૉલીવુડ ફિલ્મ એક્સ મેન જોવા પહોંચી હતી. રણવીરે ગ્રે કલરની ટી-શર્ટ પહેરેલી હતી અને માતે બ્લૅક ટોપું પહેરેલુ હતું. બીજી બાજુ કૅટરીના કૈફ પણ બ્લૅક ટી શર્ટમાં નજરે પડ્યાં. આ બંને સ્ટાર્સ ઑડી કારમાં સ્ક્રીનિંગ જોવા પહોંચ્યા હતાં અને બંને વચ્ચે યે જવાની હૈ દીવાની ફિલ્મના દિગ્દર્શક અયાન મુખર્જી બેઠેલા હતાં.

રણબીર કપૂરની આ વર્ષે બૉમ્બે વેલ્વેટ ફિલ્મ આવનાર છે કે જેમાં તેમનો રેટ્રો લુક જોવા મળશે, જ્યારે કૅટરીનાની આગામી ફિલ્મમાં બૅંગ બૅંગનો સમાવેશ થાય છે કે જેમાં તેમના હીરો હૃતિક રોશન છે. રણબીર-કૅટની જોડી આવતા વર્ષે જગ્ગા જાસૂસ ફિલ્મમાં દેખાશે. 2015માં કૅટરીના કૈફની ફૅંટમ ફિલ્મ આવશે કે જેમાં તેમના હીરો સૈફ અલી ખાન છે.