રોકી હેન્ડસમ ફિલ્મ રિવ્યૂ: અદ્ધભૂત એક્શન પણ નબળી સ્ક્રીપ્ટ
જ્હોન અબ્રાહ્મને એક્શન ફિલ્મોમાં જોવા આંખો માટે એક આઇટ્રીટ છે. અને આ માટે જ્હોનના ફેન્સ તેની ફિલ્મ રોકી હેન્ડસની કાગ ડોળે રાહ જોઇ રહ્યા હતા. પણ ફિલ્મને જોઇને કદાચ તમે નિરાશ થાવ. કારણ કે સ્મૃતિ અને જ્હોનનું એક હોટ રોમાન્ટિક ગીત, જ્હોનનું ક્લાયમેક્સ પહેલાની એક અદ્ધભૂત ફાઇટ અને બીજા બે ત્રણ સીનને બાદ કરતા આ ફિલ્મમાં કંઇ ખાસ નથી.
કોરિયન ફિલ્મ મેન ફ્રોમ નોવેર પર આધારિત આ ફિલ્મ તેની કોરિયન આવૃત્તિ જેટલી સ્ટ્રોંગ પકડ નથી ધરાવતી. ફિલ્મમાં એક્શનનો ભરી ભરીને છે અને થ્રીલર પણ, પણ તેમ છતાં દર્શકો આ ફિલ્મની ભાવનાત્મક રીતે જોડાઇ નથી શકતા. વીક સ્ક્રીપ્ટ આ ફિલ્મનો ચાર્મ મારી નાખે છે. આ ફિલ્મને અમે 2.5 સ્ટાર આપ્યા છે. ત્યારે આ ફિલ્મ જોવી કે નહીં તે વિષે વધુ જાણો અહીં.
જ્હોન અબ્રાહ્મ
લાઇવ ઓડિયન્સ રિસ્પોન્સ મુજબ જ્હોન આ ફિલ્મમાં એક્શન હિરો તરીકે અદ્ધભૂત લાગે છે વળી તેમને ચપ્પુ ફાઇટ પર અદ્ધભૂત છે. પણ તેના પંચમાં જેટલો દમ દેખાય છે તેટલો દમ તેના ડાયલોગમાં નથી દેખાતો.
દિવ્યા ચાવલા ઉર્ફ નાઓમી
આ ફિલ્મમાં બાળ કળાકારનું પાત્ર ભજવનાર દિવ્યાની એક્ટિંગ ખરેખરમાં વખાણવા લાયક છે. જે રીતે તે પોતાના ગેંગસ્ટર પડોશીનું ધ્યાન આકર્ષિત કરવાનો પ્રયાસ કરતી રહેતી હોય છે તે જોઇને તમને તેની ભોળપણ પર આફરિન થઇ જશો. આ ફિલ્મમાં જો કંઇ જોવા જેવું હોય તો તે છે આ બાળકળાકારની એક્ટિંગ અને માસૂમિયત.
શ્રૃતિ હસન
શ્રૃતિ આ ફિલ્મમાં એક ગીત પુરતી આવે છે. તેનો નાનકડો રોલ છે. તે સુંદર લાગી રહી છે પણ જ્હોન સાથે તેની કેમેસ્ટ્રી અજીબ લાગે છે.
સ્ટોરી
રિટાયર સ્પેશ્યલ એજન્ટ કબીર અહલાવત ઉર્ફ રોકી ગોવામાં પોતાનું જીવન પસાર કરી રહ્યો હોય છે જ્યાં ડ્રગ્સ, બાળકોની તસ્કરી, અંગોની તસ્કરી અને હત્યારાઓનો આતંક છે. તેના પડોશીમાં રહેતી એક નાની છોકરી સાથે તે ભાવનાત્મક રીતે જોડાઇ જાય છે. પણ જ્યારે ગુંડાઓ દ્વારા નાઓમીને કિડનેપ કરવામાં આવે છે ત્યારે તે આ છોકરીને બચાવવા માટે તમામ પ્રયાસો કરે છે.
ખામીઓ
આ ફિલ્મ તેની ઓરિજનલ ફિલ્મ કરતા ખૂબ જ નબળી છે. તમે આ ફિલ્મ જોઇને તેના પાત્રા સાથે ફિલ્મની સ્ટોરી સાથે તેવી રીતે ભાવનાત્મક રીતે જોડાઇ નથી શકતા. ફાઇટીંગ સારી છે પણ તે સિવાય કંઇ ખાસ નથી
ફિલ્મ જોવી કે નહીં
જો તમને જ્હોન અબ્રાહ્મ અને એક્શન ફિલ્મ જોવી ગમતી હોય તો તમે આ ફિલ્મ જોઇ શકો છો. અમે આ ફિલ્મને 2.5 સ્ટાર આપ્યા