ટાઈગર 3 જોવા પહોંચેલા લોકોએ થિયેટરમાં ફોડ્યા ફટાકડા, ડરામણો Video વાયરલ

Tiger 3 Viral Video: સલમાન ખાનની બહુપ્રતિક્ષિત ફિલ્મ 'ટાઈગર 3' ગઈ કાલે રિલીઝ થઈ હતી અને આ ફિલ્મે સલમાન ખાનની કારકિર્દીને ફરી જીવંત કરી છે. અભિનેતાને આ વર્ષની સૌથી મોટી ઓપનિંગ ફિલ્મોમાંથી એક મળી ગઈ છે. આ ફિલ્મે 'ગદર 2'નો રેકોર્ડ તોડ્યો છે.

સલમાન ખાનની ફિલ્મ 'ટાઈગર 3' 12મી નવેમ્બરે દિવાળી પર દેશભરમાં હિન્દી, તમિલ અને તેલુગુમાં રિલીઝ થઈ હતી. શરૂઆતના દિવસે આ ફિલ્મ શાહરૂખ ખાનની 'પઠાણ' અને 'જવાન'ની બરોબરી કરી શકી નથી પરંતુ સલમાને પોતાની જ ફિલ્મ 'ભારત'નો રેકોર્ડ તોડ્યો છે.

ફેસ્ટિવલના અવસર પર રીલિઝ થયેલી આ ફિલ્મની તોફાની ઓપનિંગની અપેક્ષા હતી પરંતુ એવું થયું નહીં. જો કે, ફિલ્મ સન્માનજનક કલેક્શન કરવામાં સફળ રહી છે. સલમાન ખાનની ફિલ્મ હોય અને હોબાળો ન થાય એવુ ન બને. ગઈકાલે કેટલાક તોફાની તત્વો સિનેમા હોલમાં ફટાકડા લઈ ગયા હતા અને ત્યાં ફોડવાનું શરૂ કર્યું હતું.

આ વીડિયો હવે સોશિયલ મીડિયા પર ઝડપથી વાયરલ થઈ રહ્યો છે. લોકો વિચારી રહ્યા છે કે કોઈ સિનેમા હોલમાં ફટાકડા કેવી રીતે લઈ જઈ શકે. 'ટાઈગર 3' સલમાનના કરિયરની સૌથી મોટી ઓપનર બની ગઈ છે. પહેલા 'ભારત' 42 કરોડ રૂપિયાની કમાણી સાથે સલમાનની મોટી ઓપનર હતી, પરંતુ હવે તે 'ટાઈગર 3' છે.

જોકે, તે શાહરૂખની 'પઠાણ' અને 'જવાન'ના પ્રથમ દિવસના રેકોર્ડ તોડી શકી નથી. શરૂઆતના દિવસે 'પઠાણ'એ દેશભરમાં 57 કરોડ રૂપિયાની કમાણી કરી હતી, જ્યારે 'જવાન'એ તમામ ભાષાઓમાંથી 75 કરોડ રૂપિયા અને માત્ર હિન્દી ભાષામાંથી 65.5 કરોડ રૂપિયાની કમાણી કરી હતી.

Ohhh Bhaisahab 😭 Non Stop Crackers Inside the Theatre on Megastar #SalmanKhan's Entry, NOT SAFE but Fans nahi maanenge 💀Madness is an Understatement Here 🤯💥 #Tiger3 #Tiger3review pic.twitter.com/jqfWDE8CPz

— YOGESH (@i_yogesh22) November 12, 2023

English summary

salman khan film Tiger 3 fans burns crackers in theatre, Video viral on social media.