દબંગ 2માં સલમાન કરશે ડબલ ધમાલ
મુંબઈ, 18 સપ્ટેમ્બર : બૉલીવુડના સુપરસ્ટાર સલમાન ખાનની ફિલ્મ જુડવાં તો બધાને યાદ હશે. હવે ફરી એક વાર સલમાન ડબલ ધમાકો લઈને આવી રહ્યાં છે.
જાણવા મળે છે કે 2010માં રિલીઝ થયેલી પોતાની ફિલ્મ દબંગની સિક્લવ દબંગ 2માં સલમાન ખાન ડબલ રોલ કરશે. દબંગ 2 આ વર્ષને અંતે 21મી નવેમ્બરે રિલીઝ થશે અને આ વખતે આ ફિલ્મનું દિગ્દર્શન અભિનવ કશ્યપ નહિં, પણ સલમાનના ભાઈ અરબાઝ ખાન કરી રહ્યાં છે.
એમ જોવા જઇએ તો સલમાનની આ ફિલ્મ તાજેતરમાં જ આવેલી અક્ષય કુમારની ફિલ્મ રાઉડી રાઠોડ સાથે ઘણી મળતી આવે છે. રાઉડી રાઠોડમાં જ્યાં પોલીસની વર્ધીમાં અક્ષય કમારે પોતાની દબંગાઈ દાખવી હતી, ત્યારે હવે દબંગ 2માં રાઉડી રાઠોડ સલમાન ખાન દેખાશે. રાઉડી રાઠોડમાં અક્ષય કુમારે પણ ડબલ રોલ કર્યો હતો અને તે ફિલ્મ બૉક્સ ઑફિસ ઉપર સુપર હિટ રહી હતી. હવે સલમાન પણ પોતાની ફિલ્મમાં દબંગ પાત્ર ભજવી કદાચ અક્ષયની સફળતાને દોહરાવવા માંગે છે.
જોકે, અત્યાર સુધી તો સલમાનના ડબલ રોલના સમાચારને અધિકૃત સમર્થન તો નથી મળ્યું, પણ આમ છતાં સલમાને પોતાના ફેન્સ સમક્ષ કઈંક એવો જ ઇશારો કર્યો છે કે તેઓ આ ફિલ્મમાં ડબલ રોલ કરી રહ્યાં છે.
હવે સાચુ શું છે, તે તો ફિલ્મના પ્રોમો રિલીઝ થયાં પછી જ ખબર પડશે, પણ એટલું તો જરૂર છે કે જો એક દબંગે બૉક્સ ઑફિસ પર આટલી સફળતા મેળવી હોય, તો બે-બે દબંગ સાથે આવતાં તો બૉક્સ ઑફિસની વાટ જ લાગી જશે.
જોકે, સોનાક્ષી સિન્હા માટે પણ દબંગ 2 ઘણી મહત્વની છે, કારણ કે રાઉડી રાઠોડ બાદ જોકરને કારણે સોનાક્ષીને ભારે નિષ્ફળતાનું મોઢું જોવુ પડ્યુ હતું અને હવે સોનાક્ષીને એક સફળ ફિલ્મનો બહુ આતુરતાપૂર્વક છે. અને દબંગ 2થી સોનાક્ષીને ઘણી આશા છે.
Click it and Unblock the Notifications
Sign in with Google
