ખરાબ વખતમાં સલમાને સાથ આપ્યો : પ્રેમ સોની

મુંબઈ, 11 મે : બૉલીવુડ ફિલ્મ નિર્માતા પ્રેમ સોની કહે છે કે જ્યારે તેઓ કૅંસરની બીમારી સામે ઝઝૂમી રહ્યા હતાં, ત્યારે સલમાન ખાન હંમેશા તેમની સાથે ઊભા રહ્યાં. સોની તાજેતરમાં જ પિત્તાશયના કૅંસરથી ઉગર્યાં છે. તેઓ સલમાનને પોતાનાં સારા મિત્ર ગણે છે.

પ્રેમ સોની બૉલીવુડ અભિનેત્રી પ્રીતિ ઝિંટાની ફિલ્મ નિર્માણ કંપનીની આવનાર ફિલ્મ ઇશ્ક ઇન પેરિસના દિગ્દર્શક છે. તેમણે જણાવ્યું - સલમાને જ્યારે મારી બીમારી અંગે જાણ્યું, તો તેઓ ખૂબ ચિંતિત થયાં. જ્યારે મારી સારવાર ચાલતી હતી, ત્યારે તેઓ કાયમ મારા સમ્પર્કમાં રહ્યાં અને મારો ખૂબ સાથ આપ્યો. તેમને માત્ર એક ફોન કરવાની જરૂર રહેતી અને તેમની સાથે વાત કરી મને ખૂબ સાંત્વના મળતું. સલમાન એક સુપરસ્ટાર છે, પણ તેનાથી વધુ તેઓ એક સારા માણસ છે. હવે હું બિલ્કુલ સ્વસ્થ છું. મને સહકાર આપવા બદલ સૌનો આભાર.

નોંધનીય છે કે ઇશ્ક ઇન પેરિસ દ્વારા પ્રીતિ ઝિંટા કમબૅક કરી રહ્યાં છે. ફિલ્મ ગત વર્ષે નવેમ્બરમાં રિલીઝ થવાની હતી, પરંતુ પ્રેમ સોનીની બીમારીની જાણ થતાં રિલીઝ મે-2013 સુધી સ્થગિત કરાઈ હતી. ફિલ્મના એક ગીતમાં સલમાન ખાને મહેમાન કલાકારની ભૂમિકા ભજવી છે. સોનીએ જણાવ્યું - સલમાન સાથે મારો સંબંધ માત્ર કામનો નથી. તેઓ અનેક બાબતોમાં મારા માર્ગદર્શક પણ રહ્યાં છે. ઇશ્ક ઇન પેરિસ ફિલ્મમાં એક ગીત અમે તેમને ધ્યાને લઈ લખ્યું છે. ફિલ્મમાં પ્રીતિ ઝિંટા ઉપરાંત ઇઝાબેલ અડજાણી અને અભિનેતા રેહાન મલિકે પણ મુખ્ય ભૂમિકા ભજવી છે.

English summary

Filmmaker Prem Soni, who has recovered from cancer of gallbladder, says his friend and Bollywood star Salman Khan stood by him during his trying times.