સારા અલી ખાન- શુબમન ગિલ એકબીજાને ડેટ કરી રહ્યા છે? આ છે બોલિવૂડ-ક્રિકેટની જાણીતી લવ સ્ટોરીઓ!
બોલીવુડની ઘણી એવી અભિનેત્રીઓ છે જેમણે ભારતીય ક્રિકેટરોને દિલ આપ્યું છે. આ દિવસોમાં સારા અલી ખાન અને શુભમન ગિલનું નામ ચર્ચામાં છે.
બોલીવુડની ઘણી એવી અભિનેત્રીઓ છે જેમણે ભારતીય ક્રિકેટરોને દિલ આપ્યું છે. આ દિવસોમાં સારા અલી ખાન અને શુભમન ગિલનું નામ ચર્ચામાં છે.
સારા અલી ખાન-શુભમન ગીલ
સૈફ અલી ખાનની લાડલી સારા અલી ખાનની વાત કરીએ તો હાલમાં જ તેનો એક વીડિયો ઈન્ટરનેટ પર ઝડપથી વાયરલ થયો છે, જેમાં તે શુભમન સાથે ડિનર કરતી જોવા મળી હતી. જે બાદ સોશિયલ મીડિયા પર બંનેના ડેટિંગના સમાચાર આગની જેમ ફેલાઈ રહ્યા છે.
અનુષ્કા શર્મા- વિરાટ કોહલી
ટીમ ઈન્ડિયાના કેપ્ટન વિરાટ કોહલી અને તેની પત્ની અનુષ્કા શર્માને કોણ ભૂલી શકે છે. બંને સૌથી પ્રેમાળ કપલ્સની યાદીમાં સામેલ છે. બંનેએ 2013માં ડેટિંગ શરૂ કર્યુ અને 2017માં લગ્ન કર્યા હતા. હવે બંને એક દીકરીના માતા-પિતા બની ગયા છે.
આથિયા શેટ્ટી-કેએલ રાહુલ
આ પછી સુનીલ શેટ્ટીની પુત્રી આથિયાનું નામ આવે છે, જે લાંબા સમયથી ભારતીય ક્રિકેટર કેએલ રાહુલ સાથે રિલેશનશિપમાં છે અને એવી જોરદાર ચર્ચા છે કે આ કપલ ટૂંક સમયમાં લગ્ન કરી શકે છે.
હેઝલ કીચ-યુવરાજસિંહ
પોતાની વિસ્ફોટક બેટિંગ માટે જાણીતા ક્રિકેટર યુવરાજ સિંહે પણ બોલીવુડ અભિનેત્રી હેઝલ કીચ સાથે લગ્ન કર્યા છે. વર્ષ 2016માં બંને લગ્નના બંધનમાં બંધાયા હતા.
નતાશા સ્ટેનકોવિક-હાર્દિક પંડ્યા
પોતાના ઓલરાઉન્ડ પ્રદર્શન માટે જાણીતો હાર્દિક પંડ્યા મોડલ, ડાન્સર અને અભિનેત્રી નતાશા સ્ટેનકોવિક સાથે પણ ખુશહાલ જીવન જીવી રહ્યો છે. બંને એક પુત્ર અગસ્ત્યના માતા-પિતા બન્યા છે.
ધનશ્રી-યુઝવેન્દ્ર ચહલ
યુઝવેન્દ્ર ચહલ અને બોલિવૂડ કોરિયોગ્રાફર ધનશ્રી સૌથી ક્યૂટ કપલ્સમાંથી એક છે. બંનેની લવસ્ટોરી પણ ઘણી રસપ્રદ રહી છે.