શાહિદ કપૂર અને મીરા રાજપૂતે ખરીદ્યુ આલીશાન અપાર્ટમેન્ટ, નવા ઘરની કિંમત સાંભળી ચોંકી જશો

Shahid Kapoor New House: બૉલિવુડ એક્ટર શાહિદ કપૂર અને મીરા રાજપૂત બી-ટાઉનના પાવર કપલ્સમાંથી એક છે. તેમની વચ્ચેનું બોન્ડિંગ જોવા જેવું છે. મીરા રાજપૂત ભલે ઈન્ડસ્ટ્રી સાથે જોડાયેલી ન હોય પરંતુ ગ્લેમર વર્લ્ડમાં તેની હંમેશા ચર્ચા થાય છે.

હાલમાં શાહિદ કપૂર અને મીરા રાજપૂતને લઈને એક મોટા સમાચાર સામે આવી રહ્યા છે. અહેવાલ છે કે આ કપલે એક નવું એપાર્ટમેન્ટ ખરીદ્યું છે. મીડિયા રિપોર્ટ્સ અનુસાર, શાહિદ અને મીરાએ મુંબઈમાં એક નવો મોંઘો એપાર્ટમેન્ટ ખરીદ્યો છે અને આ તેમની બીજી પ્રોપર્ટી છે.

indextap.com દ્વારા એક્સેસ કરાયેલા રજિસ્ટર્ડ પેપર્સ મુજબ, શાહિદ અને મીરા રાજપૂતે મુંબઈના વર્લી વિસ્તારમાં ઓબેરોય 360 વેસ્ટ પ્રોજેક્ટમાં આશરે રૂ. 59 કરોડની કિંમતનો લક્ઝરી એપાર્ટમેન્ટ ખરીદ્યો છે. દસ્તાવેજો એમ પણ કહે છે કે એપાર્ટમેન્ટ 5,395 ચોરસ ફૂટનું છે અને તેમાં ત્રણ પાર્કિંગ જગ્યાઓ છે.

દસ્તાવેજો દર્શાવે છે કે 24 મે 2024ના રોજ 58.66 કરોડ રૂપિયાની પ્રોપર્ટીની લેવડદેવડ કરવામાં આવી હતી. હિન્દુસ્તાન ટાઈમ્સના અહેવાલ મુજબ, તે ઓબેરોય રિયલ્ટીના સૌથી ઊંચા માળ પર સ્થિત છે અને શાહિદ કપૂરે તેને ચાંદક રિયલ્ટર્સ પ્રાઈવેટ લિમિટેડ પાસેથી ખરીદ્યું છે.

ઓબેરોય રિયલ્ટીનો 360 વેસ્ટ એ એક પ્રોજેક્ટ છે જેમાં 4 BHK, 5 BHK અને પેન્ટહાઉસ સાથેના ડુપ્લેક્સ એપાર્ટમેન્ટના બે ટાવરનો સમાવેશ થાય છે. સી ફેસિંગ: આ પ્રોજેક્ટને આ નામ એટલા માટે મળ્યું કારણ કે તેની ઊંચાઈ 360 મીટર છે અને તમામ એપાર્ટમેન્ટ્સ પશ્ચિમ તરફ છે. આ એક રેડી-ટુ-મૂવ-ઇન ઉબેર લક્ઝરી હાઉસિંગ પ્રોજેક્ટ છે.

દસ્તાવેજો અનુસાર, શાહિદ કપૂર અને મીરા રાજપૂતે ટ્રાન્ઝેક્શન માટે 1.75 કરોડ રૂપિયાની સ્ટેમ્પ ડ્યુટી ચૂકવી છે. તમને જણાવી દઈએ કે વર્ષ 2018માં શાહિદ કપૂરે આ જ બિલ્ડિંગમાં 55.60 કરોડ રૂપિયામાં 8,281 સ્ક્વેર ફૂટનો એપાર્ટમેન્ટ ખરીદ્યો હતો અને તેના માટે 2.91 કરોડ રૂપિયાની સ્ટેમ્પ ડ્યૂટી ચૂકવી હતી.

English summary

Shahid Kapoor and Mira Rajput bought a luxurious apartment, price will shock you