શાહરુખ-સલમાનનુ મિલન ‘વાસી’... પડદા પર ફરી આવે કરણ-અર્જુન...

Published: Monday, July 7, 2014, 12:09 [IST]

મુંબઈ, 7 જુલાઈ : ગત વર્ષે ઇફ્તાર પાર્ટીમાં વર્ષો બાદ શાહરુખ ખાન અને સલમાન ખાન એક-બીજાને ભેંટ્યા હતાં, ત્યારે મીડિયા માટે તે નેશનલ ન્યુઝ બની ગઈ હતી. સૌના માટે આ સમાચાર રાષ્ટ્રીય સમાચાર હતાં. આ સમાચારે લોકોને ખુશ પણ કર્યા હતાં અને લોકોમાં આશા પણ જગાવી હતી કે કદાચ આગામી સમયમાં કરણ-અર્જુનની આ જોડી પુનઃ રૂપેરી પડદે જોવા મળશે, પરંતુ પછીથી બંને સ્ટાર્સે એમ કહી દીધુ હતું કે જે થયું, તે ઈદના મુબારક પ્રસંગે થયુ હતું. આ મુબારક પ્રસંગે કોઈ વેર કે ફરિયાદ વગર એક-બીજાને ભેંટવામાં આવે છે અને તે જ તેમણે કર્યુ હતું.

હવે આ વર્ષે ફરી રમઝાન મહીનો આવ્યો અને તે જ બાબા સિદ્દીકી દ્વારા યોજાયેલ ઇફ્તાર પાર્ટીમાં આ કરણ-અર્જુન ફરીથી એક-બીજાને ભેંટ્યાં. ગઈકાલે યોજાયેલ આ પાર્ટીમાં સલમાન-શાહરુખ એક-બીજાને ભેંટ્યાં. જોકે આ તસવીરોમાં ગત વર્ષની જેમ જ કંઇક એવી પ્રતીતિ થઈ રહી છે કે સલમાન ખાન તો ખુશ છે, પણ શાહરુખ ખાન જાણે કોઈ ફરક ન પડતો હોય તેમ તેમનો ચહેરો દર્શાવી રહ્યો છે, પરંતુ શાહરુખ-સલમાનના ફૅન્સને આ વાતનો જરૂર ફરક પડતો લાગે છે.

શાહરુખ-સલમાનનું આ સતત બીજા વર્ષે થયેલ ભરત-મિલાપ લોકો માટે બિગ ન્યુઝ નહોતાં. લોકોને હવે લાગે છે કે આ તો કૉમન થઈ ગયુ છે. આ આખી વાત જ વાસી થઈ ગઈ છે અને એટલે જ આ વખતે શાહરુખ-સલમાનના મિલનના સમાચારો હૅડલાઇન્સ નહીં બન્યાં. ગત વર્ષે જે લોકો શાહરુખ-સલમાનના મિલનથી બહુ ઉત્સાહમાં આવી ગયા હતાં, તેઓ પણ આ વખતે ઉદાસીન જ રહ્યાં, કારણ કે લોકો આ મિલનને રૂપેરી પડદે સાકાર થતુ જોવા માંગતા હતાં અને તેવુ કંઈ પણ થયું નહીં.

ચાલો જોઇએ બાબા સિદ્દીકી દ્વારા યોજાયેલ ઇફ્તારી પાર્ટીની તસવીરો :

શાહરુખ-સલમાન ઇફ્તાર પાર્ટીમાં

સલમાન ખાન અને શાહરુખ ખાન બંને બાબા સિદ્દીકીની ખૂબ જ નજીક છે. બંને દર વર્ષે તેમના દ્વારા યોજાતી ઇફ્તાર પાર્ટીમાં હાજર રહે છે.

કૅમેરા કેન્દ્રિત

આ પાર્ટીમાં સલમાન અને શાહરુખ જેવા પહોંચ્યાં કે તરત જ ત્યાં હાજર તમામ કૅમેરાઓ બંને પર કેન્દ્રિત થઈ ગયાં. સૌ જાણતા હતાં કે ગત વર્ષની જેમ આ વર્ષે પણ ભરત-મિલાપ થશે.

ગત વર્ષની તસવીર

આ તસવીર ગત વર્ષની છે કે જ્યારે બાબા સિદ્દીકીની આવી જ ઇફ્તાર પાર્ટીમાં સલમાન-શાહરુખ ભેંટ્યા હતાં.

જાળવી રાખ્યો સિલસિલો

વર્ષ 2013માં જ્યારે ઘણા સમય બાદ સલમાન-શાહરુખ એક-બીજાને ભેંટ્યા હતાં, ત્યારે ફૅન્સ ખુશખુશાલ થઈ ગયા હતાં. સલમાન-શાહરુખે આ સિલસિલો આ વર્ષે પણ જાળવી રાખ્યો.