Pics : શાહરુખને ફેસ ઑફ રોમાંટિક સૉંગ્સ મિરચી મ્યુઝિક ઍવૉર્ડ, આશિકી 2નો જલવો!

Published: Friday, February 28, 2014, 17:41 [IST]

મુંબઈ, 28 ફેબ્રુઆરી : મુંબઈ એટલે માયાનગરી અને તેની બીજી ઓળખાણ છે સિનેમા નગરી. મુંબઈમાં બૉલીવુડ છે અને જ્યાં બૉલીવુડ હોય, ત્યાં દર રોજ પાર્ટીઓ અને ઇવેંટો યોજાતા જ રહે છે. વર્ષ ખતમ થતાં જ આ નગરીમાં ઠેર-ઠેર ઍવૉર્ડ્સ ફંક્શનનો રાફળો ફાટી નિકળે છે.

તાજેતરમાં જ ઝી સિને ઍવૉર્ડ્સ, ફિલ્મફૅર ઍવૉર્ડ્સ, સ્ટાર ગિલ્ડ ઍવૉર્ડ્સ ફંક્શન્સ યોજાયા હતાં અને તે જ કડીમાં ગઈકાલે મિરચી મ્યુઝિક ઍવૉર્ડ્સ સમારંભ યોજાયું કે જેમાં બૉલીવુડ કિંગ શાહરુખ ખાન અને અભિનેતા-ફિલ્મ નિર્માતા ફરહાન અખ્તરને મિરચી મ્યુઝિક ઍવૉર્ડ વડે સન્માનિત કરવામાં આવ્યાં. આ સમારંભમાં ફરી એક વાર આશિકી 2 ફિલ્મ છવાઈ ગઈ કે જેને વિવિધ શ્રેણીઓમાં ઘણા બધા ઍવૉર્ડ્સ મળ્યાં.

રેડિયો મિરચી દ્વારા યોજાયેલ સમારંભમાં શાહરુખ ખાનને રિલાયંસ ડિજિટલ પ્રેઝેંટ્સ મિરચી ફેસ ઑફ રોમાંટિક સૉંગ્સ ઍવૉર્ડ વડે સન્માનિત કરવામાં આવ્યાં. શાહરુખને આ ઍવૉર્ડ તુઝે દેખા તો યે જાના સનમ... (દિલવાલે દુલ્હનિયા લે જાયેંગે), હમકો હમ હી સે ચુરા લો... (મોહબ્બતેં) અને અરે રે અરે યે ક્યા હુઆ... (દિલ તો પાગલ હૈ) જેવા રોમાંટિક ગીતોમાં પોતાના ફાળા બદલ આપવામાં આવ્યો.

ફરહાન અખ્તર આ કાર્યક્રમમાં હાજર નહોતા રહી શક્યાં. ફરહાનને રૉયલ સ્ટૅગ મેક ઇટ લાર્જ ઍવૉર્ડ વડે સન્માનવામાં આવ્યાં. સંગીતની કૅટેગરીઓમાં મોટાભાગના ઍવૉર્ડ્સ આશિકી 2 ફિલ્મે જીત્યાં. ફિલ્મને વર્ષના સર્વશ્રેષ્ઠ ગીત (ક્યોંકિ તુમ હી હો...), સર્વશ્રેષ્ઠ ફિલ્મ આલબમ અને રૉયલ સ્ટૅગ લિશનર્સ ચૉઇસ આલબમ ઑફ ધ ઈયર સહિત સાત પુરસ્કારો મળ્યાં.

ચાલો જોઇએ મિરચી મ્યુઝિક ઍવૉર્ડ્સ ફંક્શનની તસવીરો અને સાથે જાણીએ વિજેતાઓ :