HNY સેટ પર શાહરુખ ખાન ઈજાગ્રસ્ત, નાણાવટી હૉસ્પિટલમાં દાખલ

મુંબઈ, 23 જાન્યુઆરી : સુપર સ્ટાર શાહરુખ ખાન હૅપ્પી ન્યુ ઈયર ફિલ્મના શૂટિંગ દરમિયાન ઈજાગ્રસ્ત થઈ ગયાં છે. શાહરુખ ખાન ફરાહ ખાન દિગ્દર્શિત હૅપ્પી ન્યુ ઈયર ફિલ્મના શૂટિંગ દરમિયાન ઘાયલ થતાં તેમના ફૅન્સ ચોંકી ઉઠ્યા હતાં.

મળતી માહિતી મુજબ શાહરુખ ખાનને મુંબઈની નાણાવટી હૉસ્પિટલમાં દાખલ કરવામાં આવ્યાં છે. તેમને મોઢા અને હાથના ભાગે ઈજાઓ થઈ છે. કહે છે કે શાહરુખ ખાન હૅપ્પી ન્યુ ઈયર ફિલ્મના એક ગીત માટે શૂટિંગ કરી રહ્યા હતાં ત્યારે અકસ્માતે તેઓ ઈજાગ્રસ્ત બની ગયાં.

નાણાવટી હૉસ્પિટલના સૂત્રે જણાવ્યું કે શાહરુખ ખાનને આજે બપોરે બે વાગ્યે હૉસ્પિટલમાં દાખલ કરવામાં આવ્યાં. હૉસ્પિટલમાં શાહરુખના પત્ની ગૌરી ખાન પણ પહોંચી ગયાં છે. ફરાહે જણાવ્યું કે શાહરુખ ખાન સલામત છે. શાહરુખ ઈજાગ્રસ્ત થવાના સમાચાર પ્રસરતા જ તેમના ફૅન હૉસ્પિટલની બહાર ઉમટી પડ્યાં છે. સૂત્રે જણાવ્યું કે શાહરુખ ખાનની હાલત ગંભીર નથી અને તેઓ જલ્દી સાજા થઈ જશે.

English summary

Bollywood superstar Shah Rukh Khan Thursday suffered an injury on the sets of a movie here and was rushed to a city hospital. "He came in around 2 p.m. and he is in the physiotherapy department. We can't reveal if he has any injury, but he is presently in the hospital," said a source from the Dr. Balabhai Nanavati Hospital here.