Pics : ‘રાહુલ’એ ‘અંજલિ-પૂજા’ને બાહોમાં લઈ લગાવી આગ!

Published: Monday, February 17, 2014, 11:50 [IST]

કુઆલાલમ્પુર, 17 ફેબ્રુઆરી : કુછ કુછ હોતા હૈ અને દિલ તો પાગલ હૈ ફિલ્મોની તિકડીએ મલેશિયામાં આગ લગાડી દીધી છે. બંને ફિલ્મોના રાહુલે જ્યારે કુછ કુછ હોતા હૈની અંજલિ અને દિલ તો પાગલ હૈની પૂજાને બાહોમાં લીધી, તો મલેશિયાના દર્શકો ઝૂમી ઉઠ્યાં.

હા જી, અમે વાત કરી રહ્યાં છીએ શાહરુખ ખાન, માધુરી દીક્ષિત તેમજ રાણી મુખર્જીની તિકડીની. શાહરુખ ખાન આજકાલ ટેમ્પ્ટૅશન રિલૉડેડ 2014 ટૂર ઉપર છે અને તેમણે મલેશિયા ખાતે એક કાર્યક્રમમાં માધુરી-રાણી સાથે પરફૉર્મ કરી ધમાલ મચાવી દીધી. સ્ટેજ ઉપર આ ઉપરાંત યો યો હોની સિંહ, આશિકી 2 ફૅમ ગાયક અરિજીત સિંહ અને એક્ટર મિંગ ચૅંગ પણ હાજર હતાં.

શાહરુખ ખાને કાર્યક્રમ પહેલા યોજાયેલ પ્રેસ કૉન્ફરંસમાં જણાવ્યું કે તેમને મલેશિયા આવવું એવું લાગે છે કે જાણે પોતાના ઘરે આવ્યા હોય. તેમણે મલેશિયાને પોતાનો દેશ ગણાવતાં પોતાના સાથી કલાકારોનું સ્વાગત કર્યું. તેમણે જણાવ્યું કે તેઓ આશા કરે છે કે તેમના કાર્યક્રમને લોકો તમામ ચિંતાઓ ભુલાવી માણશે. તેમણે તમામ લોકોનો આભાર વ્યક્ત કર્યો. પ્રેસ કૉન્ફરંસ દરમિયાન માધુરીએ જણાવ્યું કે મલેશિયામાં આ તેમની પ્રથમ ટ્રિપ હતી. તેઓ ખુશ છે.

ચાલો જોઇએ શાહરુખ-માધુરી-રાણીના જલવાની તસવીરી ઝલક :

મલેશિયા ટૂર પર શાહરુખ

શાહરુખ ખાન આજકાલ ટેમ્પ્ટૅશન રિલૉડેડ 2014 ટૂર ઉપર મલેશિયા પહોંચ્યાં છે. તેમની સાથે પહેલી વાર માધુરી દીક્ષિત પણ આવ્યાં છે. ઉપરાંત રાણી મુખર્જી પણ છે.

શાનદાર પરફૉર્મન્સ

મલેશિયામાં શાહરુખ ખાને રાણી મુખર્જી અને માધુરી દીક્ષિત સાથે શાનદાર પરફૉર્મન્સ આપ્યુ હતું.

અંજલિ-પૂજાની બાહોમાં રાહુલ

કુછ કુછ હોતા હૈ અને દિલ તો પાગલ હૈ ફિલ્મોની તિકડીએ મલેશિયામાં આગ લગાડી દીધી છે. બંને ફિલ્મોના રાહુલે જ્યારે કુછ કુછ હોતા હૈની અંજલિ અને દિલ તો પાગલ હૈની પૂજાને બાહોમાં લીધી, તો મલેશિયાના દર્શકો ઝૂમી ઉઠ્યાં.