Click it and Unblock the Notifications
Just In
Don't Miss
-
WhatsApp અને Instagram યુઝર્સને મજા જ મજા, હવે AI દ્વારા કરો ચેટિંગ -
#BlueWarrior બનો! ભારતના કોવિડ વૉરિયર્સની મદદ માટે જોશ એપના અભિયાનમાં ભાગ લો
બિગ બીએ લંબાવેલ દોસ્તીનો હાથ શૉટગને થામ્યો
મુંબઈ, 11 ઑક્ટોબર : શૉટગન શત્રુઘ્ન સિન્હાએ ગઈકાલે રાતે બિગ બી અમિતાભ બચ્ચનની બર્થ ડે પાર્ટીમાં ભાગ લઈ બિગ બી તરફથી લાંબાવાયેલ દોસ્તીનો હાથ પકડી લીધો.
વીતેલા વર્ષોમાં અમિતાભ બચ્ચનને હંમેશા ભાંડનાર શત્રુઘ્ન સિન્હા સમગ્ર પરિવાર સાથે આ બર્થ ડે પાર્ટીમાં નજરે ચડ્યાં. તેમની સાથે તેમનાં પત્ની પૂનમ સિન્હા પણ હતાં. આ સાથે જ શૉટગને સાબિત કરી આપ્યું કે તેઓ પોતાના દુઃખના સાથી બિગ બીના સુખના સાથી બનવાની તક નથી ચુક્યાં.
નોંધનીય છે કે ગત જુલાઈમાં શત્રુઘ્ન સિન્હા હૉસ્પિટલમાં દાખલ હતાં. તેમને શ્વાસ લેવામાં તકલીફ હતી. તેમની ઉપર બાઈપાસ સર્જરી કરાઈ હતી.
જોકે બિગ બી અને શૉટગન ઘણી ફિલ્મોમાં સાથે કામ કરી ચુક્યાં છે. તેમાં દોસ્તાના, કાલા પત્થર, નસીબ જેવી હિટ ફિલ્મો પણ શામેલ છે. આમ છતાં પછીના કાળમાં બિગ બી અને શૉ઼ટગન વચ્ચેનો દોસ્તાના તુટી ગયો હતો અને આ તાર પાછો ત્યારે સંધાયો જ્યારે બિગ બી જુલાઈ મેં હૉસ્પિટલમાં દાખલ શત્રુઘ્ન સિન્હાના ખબરઅંતર પૂછવા પોતાના પત્ની જયા બચ્ચન સાથે પહોંચ્યા હતાં.
તે પછી બિગ બીએ ટ્વિટર ઉપર લખ્યુ હતું કે તેઓ પોતાના સાથી કલાકારોની નાદરુસ્ત તબીયતને કારણે બહુ જ નિરાશ છે. તેમણે જણાવ્યુ હતું કે શત્રુઘ્ન સિન્હા એક બહેતરીન માણસ છે. તેમના ચેહરા ઉપર બીમારીનો જરાય ખેદ નથી.
