શ્વેતા બચ્ચનના પતિ નિખિલ નંદા કેટલી સંપત્તિના છે માલિક? બચ્ચન પરિવારથી અનેક ગણા વધુ અમીર
Nikhil Nanda Net Worth: બૉલિવુડનો સૌથી લોકપ્રિય બચ્ચન પરિવાર હંમેશા કોઈને કોઈ કારણોસર ચર્ચામાં રહે છે. તાજેતરમાં જ અમિતાભ બચ્ચને તેમની પુત્રી શ્વેતા બચ્ચનને મુંબઈના જુહુમાં પ્રતિક્ષા નામનો બંગલો ગિફ્ટ કર્યો છે. હવે લોકો શ્વેતાના પતિ નિખિલ નંદા વિશે સતત શોધ કરી રહ્યા છે. આવો જાણીએ તે શું કરે છે અને કેટલા કરોડની સંપત્તિના માલિક છે.
અમિતાભ બચ્ચન અને જયા બચ્ચન ઈન્ડસ્ટ્રીમાં જાણીતા નામ છે. એક તરફ તેમના પુત્ર અભિષેક બચ્ચને બૉલીવુડની સુંદર અભિનેત્રી ઐશ્વર્યા રાય સાથે લગ્ન કર્યા. જ્યારે શ્વેતા બચ્ચન, જે મનોરંજનની દુનિયાનો હિસ્સો નથી, તેણે પ્રખ્યાત બિઝનેસમેન નિખિલ નંદા સાથે લગ્ન કર્યા.
બહુ ઓછા લોકો જાણતા હશે કે નિખિલ નંદાનું કપૂર પરિવાર સાથે ખાસ જોડાણ છે. તે રણબીર કપૂર અને કરિશ્મા કપૂરનો પિતરાઈ ભાઈ છે. પરંતુ તેમ છતાં તે ઈન્ડસ્ટ્રીની ચમકથી દૂર રહે છે. તમને જણાવી દઈએ કે નિખિલ નંદા ખૂબ જ શાનદાર જીવન જીવે છે.
તમને જણાવી દઈએ કે નિખિલ નંદાના દાદા હર પ્રસાદ નંદાએ એસ્કોર્ટ્સ ગ્રુપની શરૂઆત કરી હતી. આ પછી આ ધંધો નિખિલના પિતાએ સંભાળી લીધો. બાદમાં વર્ષ 2005માં શ્વેતાના પતિને કંપનીના એમડી બનાવવામાં આવ્યા હતા. આજે આ કંપનીની આવક રૂ. 7000 કરોડ છે અને નિખિલ પોતે જ તેને સંભાળે છે.
બિઝનેસ ક્ષેત્રે મોટું નામ ધરાવતા નિખિલ તેના પિતા રાજન નંદાના પગલે ચાલી રહ્યા છે. તેમણે Exorts કંપની માટે ઘણું કર્યું છે. જો અમિતાભ બચ્ચનની વાત કરીએ તો તેમની કુલ સંપત્તિ 3000 કરોડ રૂપિયા છે જ્યારે તેમના જમાઈ નિખિલ નંદાની કમાણી તેમના કરતા અનેકગણી છે. તેમની કુલ સંપત્તિ 7000 કરોડ છે.
નિખિલ નંદા મોટા બિઝનેસમેન હોવા છતાં સાદું જીવન જીવે છે. તેમને પોતાનું અંગત જીવન ગુપ્ત રાખવું ગમે છે. બંનેએ વર્ષ 1997માં લગ્ન કર્યા હતા. શ્વેતા અને નિખિલને બે બાળકો છે. તેમની પુત્રીનું નામ નવ્યા નવેલી નંદા અને પુત્રનું નામ અગસ્ત્ય નંદા છે. જે ટૂંક સમયમાં બૉલિવુડમાં એન્ટ્રી કરવા જઈ રહી છે.
Click it and Unblock the Notifications
Sign in with Google
