સોનમ કપૂરે ડિલીવરી બાદ આ રીતે ઘટાડ્યુ વજન, ખોલ્યો પોતાની ફિટનેસનો રાઝ
Sonam Kapoor: બૉલિવુડ અભિનેત્રી સોનમ કપૂરે વર્ષ 2022માં પુત્ર વાયુને જન્મ આપ્યો હતો. ત્યારથી તે તેના પુત્રને ઉછેરવામાં વ્યસ્ત છે. હાલમાં, સોનમ કપૂરે તેના કામમાંથી બ્રેક લીધો છે અને તે પોતાનો બધો સમય તેના પુત્ર અને તેની પોતાની ફિટનેસ માટે ફાળવી રહી છે.
તમને જણાવી દઈએ કે સોનમ કપૂરનું વજન ગર્ભાવસ્થા દરમિયાન અને માતા બન્યા પછી ઘણું વધી ગયું હતું. હવે લગભગ દોઢ વર્ષ પછી, તેણે ગર્ભાવસ્થા પછીના તેના વજનને નિયંત્રિત કર્યું છે. એવું કહેવામાં આવી રહ્યું છે કે સોનમ કપૂરે વજન ઘટાડવા માટે ઘણી મહેનત કરી છે અને તેણે સોશિયલ મીડિયા પર પોસ્ટ કરીને લોકોને તેની સફર વિશે જાણકારી આપી છે.
મળતી માહિતી મુજબ, સોનમ કપૂર આ દિવસોમાં ફિલ્મોથી દૂર છે અને પોતાના પુત્ર વાયુના ઉછેરમાં વ્યસ્ત છે. સોનમ કપૂર ઓગસ્ટ 2022માં પુત્ર વાયુની માતા બની હતી. ત્યારથી, સોનમ કપૂરે પોતાના પર સખત મહેનત કરવાનું શરૂ કર્યું. ઘણો પરસેવો વહાવ્યા બાદ સોનમ કપૂરે હવે પોતાના વધેલા વજનને કંટ્રોલ કરી લીધુ છે.
સોનમ કપૂરે તેની ઈન્સ્ટાગ્રામ સ્ટોરી પર તેની વર્કઆઉટ પળની ઝલક શેર કરી છે, જેમાં તે જીમના વસ્ત્રોમાં જોવા મળી રહી છે. આ વીડિયો ક્લિપમાં સોનમ કપૂર પોતાના કેમેરાથી પોતાને શૂટ કરતી જોવા મળી રહી છે. આ સાથે તેણે કેપ્શનમાં લખ્યું છે - મેં મારું 20 કિલો વજન ઘટાડ્યું છે. એટલું જ નહીં તેણે આ પોસ્ટમાં પોતાના ટાર્ગેટનો પણ ઉલ્લેખ કર્યો છે. સોનમે લખ્યું- હજુ વધુ મહેનત કરવી પડશે અને 6 કિલો વધુ વજન ઘટાડવું પડશે.
અગાઉ એક પોસ્ટમાં સોનમ કપૂરે લોકોને જણાવ્યું હતું કે કેવી રીતે તેણે 16 મહિના સુધી હેલ્ધી ડાયટની સાથે તેના વર્કઆઉટનું ધ્યાન રાખ્યું હતું. હવે તેનું શરીર પાછું પહેલા જેવું આકારમાં આવી ગયું છે. જોકે, તેણે કહ્યું હતું કે આ માટે તેણે ક્યારેય કોઈ ક્રેશ ડાયટ કે ક્રેઝી વર્કઆઉટનો સહારો લીધો નથી. હવે તે પોતાની જાત પર નિયંત્રણ રાખતા શીખી ગઈ છે.
Click it and Unblock the Notifications
Sign in with Google
