મહેશ બાબૂની દીકરી સિતારાને જાહેરાત માટે મળ્યા કરોડો રુપિયા, 10 વર્ષની ઉંમરમાં બની દેશની સૌથી મોંઘી સ્ટાર

Updated: Saturday, May 27, 2023, 16:26 [IST]

Mahesh Babu Daughter Sitara: તેલુગુ ફિલ્મોના સુપરસ્ટાર મહેશ બાબુની સાથે તેમની 10 વર્ષની દીકરી સિતારા પણ સોશિયલ મીડિયા પર હાલમાં ટ્રેન્ડ કરી રહી છે. અહેવાલ છે કે સિતારાને એક કંપનીની જાહેરાત મળી છે જેના માટે તેને કરોડો રૂપિયાની ફી ચૂકવવામાં આવી રહી છે.

આ સાથે મહેશ બાબુની જેમ તેમની પુત્રી સિતારા પણ ઘણી લોકપ્રિય બની છે. તમને જણાવી દઈએ કે મહેશ બાબુની 10 વર્ષની દીકરી સિતારાની ગણતરી સાઉથના સૌથી વધુ ડિમાન્ડ સ્ટાર કિડ્સમાં થાય છે. દીકરી સિતારાએ પિતા મહેશ બાબુની ફિલ્મ 'સરકારુ વારી પાતા'માં ડાન્સ નંબર પણ કર્યો છે.

પરંતુ હવે બૉલિવુડના સ્ટાર કિડ્સ પણ સિતારાએ કરેલા અદ્ભુત કામ વિશે જાણીને આશ્ચર્યચકિત થઈ ગયા છે. મહેશ બાબુ અને નમ્રતા શિરોડકરની પુત્રી સિતારાએ માત્ર 10 વર્ષની ઉંમરમાં કરોડો રૂપિયાની ડીલ કરી છે. જો મીડિયા રિપોર્ટ્સનું માનીએ તો સિતારા દેશની સૌથી મોંઘી સ્ટાર કિડ બની ગઈ છે જેને એક જાહેરાત માટે કરોડો રૂપિયા ચૂકવવામાં આવે છે.

તમને જણાવી દઈએ કે બૉલિવુડના ઘણા સ્ટાર કિડ્સ પણ જાહેરાતોમાં દેખાય છે જેમ કે શાહરૂખ ખાનની દીકરી સુહાના, સંજય કપૂરની દીકરી શનાયા કપૂર, અમિતાભ બચ્ચનની પૌત્રી નવ્યા નવેલી નંદા પણ તેઓને સિતારા કરતાં પણ ઓછી ફી મળે છે.

અહેવાલ છે કે મહેશ બાબુની પુત્રી સિતારાને એક ખૂબ જ લોકપ્રિય બ્રાન્ડને એન્ડોર્સ કરવાની તક મળી છે. તે હવે જ્વેલરી બ્રાન્ડને એન્ડોર્સ કરતી જોવા મળશે. 10 વર્ષીય સ્ટારે તાજેતરમાં જ આ જ્વેલરી બ્રાન્ડ માટે ફોટોશૂટ પણ કરાવ્યું છે. એવું કહેવામાં આવી રહ્યું છે કે જ્યાં આ એડ શૂટ કરવામાં આવી હતી તે જગ્યા ખૂબ જ ગુપ્ત રાખવામાં આવી હતી. જાહેરાતનુ શૂટિંગ ત્રણ દિવસ સુધી ચાલ્યુ હતુ.

મીડિયા રિપોર્ટ્સ અનુસાર સિતારાને આ એન્ડોર્સમેન્ટ અને કૉન્ટ્રાક્ટ માટે તગડી રકમ મળી છે. જોકે આ રકમ કેટલી છે તેનો ખુલાસો કરવામાં આવ્યો નથી. સિતારાની સુરક્ષાને ધ્યાનમાં રાખીને, ન તો જાહેરાતના શૂટનુ સ્થાન જાહેર કરવામાં આવ્યુ હતુ કે ન તો ફીનો ખુલાસો કરવામાં આવ્યો હતો. હવે સિતારા આટલો મોટો કૉન્ટ્રાક્ટ મેળવનારી દેશની પ્રથમ સ્ટાર કિડ બની ગઈ છે.

મળતી માહિતી મુજબ સિતારા સાત વર્ષની ઉંમરથી કામ કરી રહી છે. તેણે નાની ઉંમરથી જ યુટ્યુબ વીડિયો બનાવીને કમાણી કરવાનું શરૂ કરી દીધુ હતુ. આ પછી, સિતારાએ વર્ષ 2020માં ઇન્સ્ટાગ્રામની દુનિયામાં પ્રવેશ કર્યો. સિતારાના વીડિયો ઈન્સ્ટાગ્રામ પર પ્રભુત્વ ધરાવે છે. સોશિયલ મીડિયા પર તેની ફેન ફોલોઈંગ પણ ઘણી સારી છે. હવે સિતારાની આ નવી જાહેરાત ટૂંક સમયમાં ટીવી પર ઓન-એર થશે.