સરોગસીથી માતા-પિતા બન્યા છે આ બોલિવૂડ સ્ટાર, લિસ્ટમાં સિંગલ ફાધર-સિંગલ મધર પણ

બોલિવૂડ સ્ટારમાં સરોગસીથી માતા-પિતા બનવાનો ટ્રેન્ડ ચાલી રહ્યો છે. બોલિવૂડની હસીનાઓ તેના પરફેક્ટ ફિગરને સાચવવા માટે સરોગસી તરફ વળે છે. આ સિવાય ઘણા એવા પણ સ્ટાર છે જે એકલા જ બાળકને ઉછેરી રહ્યા છે.

By Desk

Published: Wednesday, November 30, 2022, 14:58 [IST]

બોલિવૂડ સ્ટારમાં સરોગસીથી માતા-પિતા બનવાનો ટ્રેન્ડ ચાલી રહ્યો છે. બોલિવૂડની હસીનાઓ તેના પરફેક્ટ ફિગરને સાચવવા માટે સરોગસી તરફ વળે છે. આ સિવાય ઘણા એવા પણ સ્ટાર છે જે એકલા જ બાળકને ઉછેરી રહ્યા છે. તે સરોગસીથી માતા કે પિતા બન્યા છે. આજે આપણે બોલિવૂડના એ સ્ટારની વાત કરવાના છીએ, જે સરોગસીથી માતા-પિતા બન્યા છે અને બાળકને ઉછેરી રહ્યા છે.

શાહરૂખ ખાન

શાહરૂખ ખાન અને ગૌરી ખાન ત્રણ સંતાનોના માતા-પિતા છે. સૌથી નાના પુત્ર અબરામ માટે આ કપલે સરોગસીનો સહારો લીધો હતો.

પ્રિયંકા ચોપરા

પ્રિયંકા ચોપરા હજુ હમણા જ સરોગસીથી એક બાળકીની માતા બની છે. નિક જોનાસ સાથે લગ્ન કર્યા બાદ આ કપલ સરોગસીની મદદ લઈને પુત્રી માલતીના માતા-પિતા બન્યા છે.

આમિર ખાન

આમિર ખાન અને કિરણ રાવના પુત્ર આઝાનનો જન્મ પણ સરોગસી થયો છે. આમીર ખાનના કિરણ રાવ સાથે બીજા લગ્ન છે અને તે કુલ ત્રણ સંતાનોનો પિતા છે.

કૃષ્ણા અભિષેક

કૃષ્ણા અભિષેક અને કાશ્મીરા શાહ પણ સરોગસીની મદદથી માતા-પિતા બન્યા છે. કૃષ્ણા અને કાશ્મીરાએ 2017માં સરોગસીની મદદ લીધી હતી. તેમને બે પુત્રો કૃષાંગ અને રયાન છે.

શિલ્પા શેટ્ટી

બોલિવૂડની જાણીતી અભિનેત્રીઓમાંથી એક શિલ્પા શેટ્ટીએ બીજી વખત માતા બનવા માટે સરોગસીનો સહારો લીધો છે. રાજ કુન્દ્રા અને શિલ્પા શેટ્ટીની પુત્રી સમીશા શેટ્ટીનો જન્મ સરોગસીથી થયો છે.

કરણ જોહર

કરણ જોહરની ગણતરી બોલિવૂડના જાણીતા ફિલ્મ ડિરેક્ટરમાં થાય છે. કરણ જોહરે પણ પિતા બનવા માટે સરોગસીનો સહારો લીધો છે. કરણ જોહર સરોગસીની મદદથી દિકરી રૂહી અને પુત્ર યસના પિતા બન્યા છે.

તુષાર કપૂર

તુષાર કપૂર સિંગલ પેરેન્ટ તરીકે બાળકનો ઉછેર કરી રહ્યા છે. તુષાર 2016માં સરોગસીની મદદથી પુત્રના પિતા બન્યા બતા. તેમના પુત્ર લક્ષ્યનો તે એકલા હાથે ઉછેર કરી રહ્યા છે.