જુઓ સૈફઈ મહોત્સવમાં સપાની ગ્રાન્ડ મસ્તી!

Published: Thursday, January 9, 2014, 14:58 [IST]

લખનઉ, 9 જાન્યુઆરી : શું આ ફિલ્મો પ્રત્યે યૂપીના યુવા મુખ્યમંત્રી અખિલેશ યાદવની ઘેલછા છે કે પછી બીજુ કંઇક. અખિલેશે 10 જાન્યુઆરીએ રિલીઝ થતી માધુરી દીક્ષિતની મોસ્ટ અવેટેડ ફિલ્મ ડેઢ ઇશ્કિયાને યૂપીમાં કરમુક્ત જાહેર કરી છે. એટલું જ નહીં ડેઢ ઇશ્કિયાના અભિનેત્રી માધુરીએ અખિલેશના પૈતૃક ગામમાં યોજાયેલ સૈફઈ મહોત્સવમાં મન મૂકીને ઠુમકા લગાવ્યાં અને તે પણ સલમાન ખાન સાથે. એક બાજુ મુઝફ્ફરનગર રમખાણ પીડિતોની હાલત દયનીય છે અને બીજી બાજુ સૈફઈ મહોત્સવમાં ચાલતી ઝાકઝમાળની ટીકાઓ થઈ રહી છે અને મીડિયામાં તેને સપાની ગ્રાન્ડ મસ્તી ગણાવાઈ રહ્યું છે. યૂપી સરકારે ડેઢ ઇશ્કિયા જ નહીં, પણ સૈફ અલી ખાનની બુલેટ રાજાને ફિલ્મને પણ એક-એક કરોડ રુપિયાનીગ્રાંટ આપવાનો નિર્ણય કર્યો છે.

ફિલ્મ બંધુના પ્રમુખ તથા અગ્ર સચિવ સૂચના સદાકાંતના નેતૃત્વહેઠળ યોજાયેલ બેઠકમાં આ નિર્ણય કરવામાં આવ્યો. સદાકાંતે મીડિયાને જણાવ્યું કે રાજ્યમાં ફિલ્મોના શૂટિંગને પ્રોત્સાહન આપવાની નીતિ હેઠળ સરકારે આ નિર્ણય કર્યો છે. આ નીતિ હેઠળ જે ફિલ્મોનું 75 ટકા જેટલું શૂટિંગ રાજ્યમાં થયુ હોય, તેમને ફિલ્મ નિર્માણની પડતરના 25 ટકા અથવા મહત્તમ એક કરોડ રુપિયા ગ્રાંટ તરીકે આપવામાં આવે છે. 25 કરોડનું બજેટ ધરાવતી ડેઢ ઇશ્કિયા ફિલ્મનું શૂટિંગ સીતાપુર જિલ્લામાં થઈ છે, તો બુલેટ રાજાનું શૂટિંગ પણ યૂપીમાં જ થયુ હતું.

ચાલો તસવીરોમાં જોઇએ સૈફઈ મહોત્સવમાં સલમાન-માધુરીના ઠુમકાં :

યૂપીમાં માધુરી

યૂપી સરકાર માધુરી દીક્ષિત ઉપર ફિદા થઈ ગઈ છે. માધુરી દીક્ષિત સૈફઈ મહોત્સવમાં ભાગ લેવા પહોંચ્યાં અને બદલામાં તેમને યૂપી સરકાર તરફથી તેમની ફિલ્મ ડેઢ ઇશ્કિયાની કરમુક્તિ મળી ગઈ.