વિરાટ કોહલી-અનુષ્કા શર્માનો દીકરો અકાય કેમ લંડનમાં જ પેદા થયો? આની પાછળ છુપાયેલુ છે કોઈ મોટુ રાઝ?

Anushka Sharma and Virat Kohli: બૉલિવુડ અભિનેત્રી અનુષ્કા શર્મા હાલમાં સોશિયલ મીડિયા પર છવાયેલી છે. અનુષ્કા શર્માએ 15 ફેબ્રુઆરી 2024ના રોજ એક સુંદર પુત્રને જન્મ આપ્યો છે. આ સાથે ભારતીય ક્રિકેટર વિરાટ કોહલી અને અનુષ્કા શર્મા તેમના બીજા બાળકના માતા-પિતા બની ગયા છે. વામિકાને એક સુંદર નાનો ભાઈ પણ મળ્યો છે.

અહેવાલ છે કે અનુષ્કા શર્માએ લંડનમાં પુત્રને જન્મ આપ્યો છે. પુત્રનું નામ 'અકાય' રાખવામાં આવ્યું છે. મીડિયા રિપોર્ટસ અનુસાર, અકાય શબ્દનો અર્થ એવો થાય છે દેહ રહિત હોય અથવા જેણે શરીર ધારણ ન કર્યું હોય. પરંતુ ઘણા અહેવાલોમાં દાવો કરવામાં આવ્યો છે કે અનુષ્કા અને વિરાટે તેમના પુત્રનું નામ ટર્કીશ શબ્દથી અકાય રાખ્યું છે જેનો અર્થ ચમકતો ચંદ્ર છે.

હાલમાં અકાયની નાગરિકતા અંગે લોકોના મનમાં અનેક સવાલો ઉઠી રહ્યા છે. ઘણા લોકો કહે છે કે અનુષ્કા-વિરાટના પુત્રને બ્રિટિશ નાગરિકતા મળશે કારણ કે તેનો જન્મ લંડનમાં થયો હતો. કેટલાક લોકો કહે છે કે અકાયને ભારતીય નાગરિકતા મળશે પરંતુ અકાય બ્રિટિશ નાગરિક નહીં હોય.

ઘણા લોકો એવો પણ સવાલ કરી રહ્યા છે કે વિરાટ-અનુષ્કાએ પુત્રના જન્મ માટે લંડન કેમ પસંદ કર્યું? અનુષ્કા શર્મા અને વિરાટ કોહલીએ 11 ડિસેમ્બર 2017ના રોજ ઈટાલીમાં લગ્ન કર્યા હતા. આ પછી, 11 જાન્યુઆરી, 2021ના ​​રોજ અનુષ્કા શર્માએ પુત્રી વામિકાને જન્મ આપ્યો. વામિકાનો જન્મ મુંબઈમાં થયો હતો. પરંતુ આ વખતે અનુષ્કા પુત્રને જન્મ આપવા લંડન પહોંચી હતી.

ઘણા રિપોર્ટસમાં એવો દાવો કરવામાં આવી રહ્યો છે કે અનુષ્કા શર્મા અને વિરાટ કોહલી તેમના બીજા બેબીને લઈને ઘણી પ્રાઈવસી ઈચ્છતા હતા. આ જ કારણ છે કે તેમણે તેના બીજા બાળકની યોજના વિશે સોશિયલ મીડિયા પર કંઈપણ લખ્યું નથી. અનુષ્કા શર્મા પણ પોતાની બીજી પ્રેગ્નન્સી છુપાવતી જોવા મળી હતી. આવી સ્થિતિમાં તેણે મુંબઈથી દૂર લંડન પસંદ કર્યું. આ દરમિયાન વિરાટ કોહલીનો એક ફોટો પણ વાયરલ થયો હતો જેમાં તે લંડનની સડકો પર ફરતો જોવા મળ્યો હતો.

English summary

Virat Kohli and Anushka Sharma's son born in London, this is the secret behind it.