ધ લીજેંડ ઑફ માયકલ મિશ્રા સાથે કમબૅક કરશે ઝરીન
નવી દિલ્હી, 17 ઑગસ્ટ : સલમાન ખાન સાથે વીર ફિલ્મમાં કામ કરનાર ઝરીન ખાન ઘણા સમયથી રૂપેરી પડદા ઉપરથી ગાયબ છે, પણ બહુ જલ્દી તેઓ પુનઃ ચર્ચામાં આવશે, કારણ કે તેમણે કેટલીક નવી ફિલ્મો સાઇન કરી છે. ઘણા વખતથી ચર્ચાથી દૂર અભિનેત્રી ઝરીન ખાન રસપ્રદ પ્રોજેક્ટો સાથે કમબૅક કરી રહ્યાં છે.
મળતી માહિતી મુજબ ઝરીન ખાન રેમો ડિસૂઝાની અમર મસ્ટ ડાય ફિલ્મ તથા પંજાબી સિનેમામાં કામ કરવા તૈયાર છે. કહે છે કે ઝરીન ખાન સાથે મનીષ ઝાની ધ લીજેંડ ઑફ માયકલ મિશ્રા ફિલ્મ અંગે પણ ચર્ચા થઈ છે. છેલ્લે અક્ષય કુમાર અભિનીત હાઉસફુલ 2માં દેખા દેનાર ઝરીન ખાન ધ લીજેંડ ઑફ માયકલ મિશ્રા ફિલ્મ અંગે અરશદ વારસી તથા બોમન ઈરાની સાથે પણ વાત કરી ચુક્યાં છે. જોકે તેની પુષ્ટિ થવાની બાકી છે.
ખેર, કંઈ પણ હોય, ઝરીન ખાન જ્યારે રૂપેરી પડદે આવે છે, તો જુદો જ માહોલ સર્જાઈ જાય છે. તેમની નમઈ અદાઓ તથા સ્મિત લાખો દર્શકોના દિલમાં ઘર કરી જાય છે.