Video/Pics : શકીરાનું ફુટબૉલ એંથમ લા લા લા... લૉન્ચ!

Updated: Saturday, May 24, 2014, 12:03 [IST]

લૉસ એંજલ્સ, 24 મે : સુંદર, સેક્સી અને મખમલી અવાજના મલ્લિકા કોલંબિયન ગાયિકા શકીરાએ બ્રાઝીલમાં યોજાનાર ફુટબૉલ વર્લ્ડ કપ માટે તૈયાર કરાયેલ ખાસ ગીત લા લા લા...નો વીડિયો લૉન્ચ કરી દીધો છે. આ વીડિયોમાં શકીરા ફુટબૉલના સિતારાઓ સાથે ડાન્સ કરતાં નજરે પડે છે.

લા લા લા... બોલ ધરાવતા આ ગીતમાં 37 વર્ષીય ગાયિકા શકીરા સાથે અનેક પ્રસિદ્ધ ફુટબૉલ ખેલાડીઓ જેમ કે લિયોનેલ મેસી, એરિક આબીદલ, નેમાર, જેમ્સ રૉડ્રિગ્ઝ, સર્જિયો અગ્યૂરો, રડામેલ ફાલ્કો તથા લાંબા સમય સુધી શકીરાના પુરુષ મિત્ર રહેલા જેરાર્ડ પીકે પણ નજરે ચઢે છે. શકીરાને જેરાર્ડ પીકે વડે 16 માસનો પુત્ર મિલાન પણ છે કે જે આ વીડિયોમાં ફુટબૉલ બૉલને કિક મારતા નજરે પડે છે.

ચાલો જોઇએ તસવીરો અને લા લા લા... નો વીડિયો પણ :

જોશીલું બ્રાઝીલિયન ગીત

લા લા લા... ગીત અંગે શકીરાએ જણાવ્યું - આ એક જોશીલું બ્રાઝીલિયન ગીત છે. બોલ મારા છે અને હકીકતમાં મેં વર્લ્ડ કપ માટે એક એડિશન રેકૉર્ડ કર્યું છે.

પુત્ર મિલાન પણ

શકીરાના આ ગીતના વીડિયોમાં તેમનો પુત્ર મિલાન પણ દેખાય છે.

જેરાર્ડ પીકે પણ છે

વીડિયોમાં જેરાર્ડ પીકે પણ છે. શકીરા હાલ સ્પેનિશ ફુટબૉલ ટીમના ડિફેંડર જેરાર્ડ પીકે સાથે ડેટિંગ કરે છે. 22મી જાન્યુઆરી, 2013ના રોજ તેમણે મિલાનને જન્મ આપ્યો હતો.