Bigg Boss 17: કોણ છે આ યુટ્યુબર 'અચાનક ભયાનક', જેના કામને સલમાન ખાન પણ ન સમજી શક્યા

Updated: Tuesday, October 17, 2023, 9:22 [IST]

Bigg Boss 17 Update: આખરે સહુની આતુરતાનો અંત આવ્યો અને બિગ બૉસ નવી સિઝન સાથે પાછું આવ્યું છે. સલમાન ખાનનો રિયાલિટી શો બિગ બૉસ 17 સાથે ટેલિવિઝન સ્ક્રીન પર પાછો ફર્યો છે. જ્યારથી નિર્માતાઓએ બિગ બૉસની વાપસીની જાહેરાત કરી છે ત્યારથી ચાહકો આ શોની આતુરતાથી રાહ જોઈ રહ્યા હતા.

ઐશ્વર્યા શર્મા, નીલ ભટ્ટ, અંકિતા લોખંડે, વિકી જૈન, મુનાવર ફારુકી, મનારા ચોપરા, UK07 રાઇડર, સની આર્ય, સોનિયા બંસલ, ફિરોઝા ખાન આ શોમાં ભાગ લઈ રહ્યા છે. જો કે, કોણ વિજેતા બને છે તે જોવું રહ્યું.

રિંકુ ધવન અને અરુણ શ્રીકાંત મશેટ્ટીએ બિગ બૉસ 17ના ઘરમાં એકસાથે પ્રવેશ કર્યો હતો. સ્પર્ધકો પર તેની ચર્ચા અને તેની પ્રથમ છાપ સોશિયલ મીડિયા પર નેટીઝન્સનું ધ્યાન ખેંચ્યું. તેના પછી સ્ટેજ પરથી અભિષેક કુમાર અને ઈશા માલવિયા વચ્ચે ઝઘડો શરૂ થયો. સલમાન ખાન પણ તેમની લડાઈથી આશ્ચર્યચકિત થઈ ગયા હતા કારણ કે તેઓ બિગ બૉસ 17ના પ્રીમિયર એપિસોડમાં એકબીજા સાથે ભિડાઈ ગયા.

બિગ બૉસ 17નો કન્ટેસ્ટન્ટ અરુણ શ્રીકાંત મશેટ્ટી એક ગેમર છે જે યુટ્યુબ ચેનલ ચલાવે છે જ્યાં તે રમતો રમે છે અને તેના ફોલોઅર્સને ગેમ રમવા માટે કહે છે. ઈન્સ્ટાગ્રામ પર તેના 598 હજારથી વધુ ફોલોઅર્સ છે. તે એક ડિજિટલ કન્ટેન્ટ સર્જક છે જે હૈદરાબાદનો છે. તે ઇન્સ્ટાગ્રામ પર બિગ બૉસ 17ના સૌથી લોકપ્રિય સ્ટાર્સમાંથી એક છે.

ગેમિંગ વીડિયો ઉપરાંત, અરુણ શ્રીકાંત તેના પ્રેન્ક માટે પણ જાણીતો છે. તેની પ્રેન્કના ઘણા વીડિયો સોશિયલ મીડિયા પર વાયરલ થયા છે. તમને જણાવી દઈએ કે આ યુટ્યુબરનું પેટ નેમ 'અચાનક ભયાનક' છે અને લોકો અરુણ શ્રીકાંતને આ નામથી જ વધુ ઓળખે છે.