Pics : બખ્તિયારે બજાવી ભાઈ તરીકેની ફરજ

Published: Friday, December 7, 2012, 17:53 [IST]

મુંબઈ, 7 ડિસેમ્બર : બિગ બૉસ 6માં આ વખતે અનેક તુટેલા સંબંધો સાથે સંકળાયેલ લોકોની એન્ટ્રી થઈ, પરંતુ દરેક સંબંધનો કઈંક જુદો જ અંજામ આવ્યો. એક બાજુ સના અને વિશાલ ફરી એક થઈ ગયાં, તો બીજી બાજુ રાજીવની લાખ કોશિશો બાદ પણ ડેલનાઝ તેમને મિત્ર કરતાં વધુ કઈં માની શક્યાં નહીં. હવે વધુ એક સંબંધની આ ઘરમાં એન્ટ્રી થઈ છે અને તે છે ડેલનાઝના ભાઈ તેમજ રાજીવના સાળા બખ્તિયાર કે જેમણે પોતાની એન્ટ્રી સાથે જ પોતાની ભાઈ હોવાની ફરજ બજાવવી શરૂ કરી નાંખી છે.

બિગ બૉસના ઘરે અગાઉથી જ અનેક વાર રાજીવ પૉલ અને ડેલનાઝ ઈરાનીના તુટેલ સંબંધ અંગે વાતો થઈ ચુકી છે. હવે બિગ બૉસના નિર્માતા ડેલનાઝના ભાઈ બખ્તિયારને ઘરે લાવી ફરી એક વાર આ તુટેલા સંબંધને લાઇમલાઇટમાં લાવવા માંગે છે. સૂત્રોના જણાવ્યા મુજબ બખ્તિયાર આશકા સિવાય ઘરના તમામ સભ્યો સામે નારાજ થાય છે. સાથે જ તેઓ રાજીવને પણ ખૂબ ભલુ-બુરુ સંભળાવે છે. બિગ બૉસ 6માં કેટલાંક નવા ગેસ્ટ આવ્યાં છે બિગ બૉસના ટાસ્ટ ફ્રીઝ એન્ડ રિલીઝ માટે. આ ગેસ્ટમાં કેટલાંક એવા પણ છે કે જેમને જોઈ બિગ બૉસના પ્રતિસ્પર્ધીઓ દંગ રહી જશે.

આ ગેસ્ટમાં ડેલનાઝના ભાઈ બખ્તિયરનો પણ સમાવેશ થાય છે. બખ્તિયાર ખાસ તો ઉર્વશી પર ગુસ્સે થાય છે કારણ કે તેઓ સતત ડેલનાઝને સાળી જાડી (સાલી મોટી) કહી બોલાવે છે. સાથે જ તેઓ કહે છે કે એકતા કપૂર સાચે જ વખાણને પાત્ર છે કે જેમણે ઉર્વશી જેવા વૅમ્પાયરને પોતાની સીરિયલોમાં એકદમ સારો રોલ આપ્યો. સાથે જ બખ્તિયાર રાજીવને પણ ટાર્ગેટ કરે છે અને કહે છે કે તેઓ ડેલનાઝ સામે માફી માંગવાનું નાટક છોડી દે અને પોતાના સંબંધોને લઈને બીજાઓની સહાનુભૂતિ માંગવાનું છોડી દે. તેઓ રાજીવ પ્રત્યે સના ખાન, મિંક બ્રાર તથા કરિશ્મા કોટક સાથે ફ્લર્ટ કરવા અંગે પણ નારાજગી વ્યક્ત કરે છે અને કહે છે કે આ બધુ ખૂબ ચીપ લાગે છે.

જુઓ તસવીરોમાં બિગ બૉસ અંગે વધુ કેટલીક રસપ્રદ માહિતીઓ.