રીતેશની દૃષ્ટિએ ગોવિંદા છે અસલી ડાન્સર
મુંબઈ, 28 મે : બૉલીવુડ અભિનેતા રીતેશ દેશમુખ ગોવિંદાના નૃત્ય કૌશલથી બહુ પ્રભાવિત છે. તેઓ કહે છે કે નૃત્ય ક્ષેત્રે ગોવિંદા તેમના માટે પ્રેરણાસ્પદ છે.
રીતેશ દેશમુખ આજકાલ ટેલીવિઝન ડાન્સ રિયલિટી શો ઇન્ડિયાસ ડાન્સિંગ સુપરસ્ટાર એટલે કે આઈડીએસમાં જજ તરીકે દેખાઈ રહ્યાં છે. તેમણે જણાવ્યું કે ગોવિંદના વખાણ માટે તેમની પાસે શબ્દો નથી. તેઓ અસલી સુપરસ્ટાર છે. સોમવારે આઈડીએસના સેટ ઉપર ગોવિંદા પણ હાજર હતાં.
રીતેશ દેશમુખે જણાવ્યું - ક્યારેક-ક્યારેક એવું થાય છે કે આપ પોતાની સામે માત્ર એક કલાકારને જુઓ છો, પણ હું જ્યારે ગોવિંદાને જોઉ છું, ત્યારે તેમને પોતાની પ્રેરણા તરીકે જોઉ છું. રીતેશ સાથે આ કાર્યક્રમમાં કોરિયોગ્રાફર ગીતા કપૂર તથા એશ્લે લોબો સાથી જજો છે.
રીતેશે જણાવ્યું - ગોવિંદ જ્યારથી ફિલ્મોમાં આવ્યાં છે, ત્યારથી અનેક પેઢીઓ માટે પ્રેરણા બન્યાં છે. દરેક તેમની જેમ નૃત્ય કરવા માંગે છે. તેમની પોતાની એક રીત છે અને આ રીત જ તેમની શૈલી છે. કાર્યક્રમમાં ગોવિંદાએ સૌની સામે પોતાના ડાન્સની કેટલીક ઝલકો પણ રજૂ કરી.
Click it and Unblock the Notifications
Sign in with Google
