ક્રાઇમ પેટ્રોલમાં આ વખતે દિલ્હી ગૅંગ રેપની દારૂણ કથા

મુંબઈ, 21 સપ્ટેમ્બર : સડકથી લઈ સંસદ સુધીને હચમચાવનાર દિલ્હી ગૅંગ રેપની વાર્તા સોનીના સૌથી લોકપ્રિય ક્રાઇમ શો ક્રાઇમ પેટ્રોલમાં દર્શાવાવમાં આવશે. આ શનિવારે અને રવિવારે આ ઘટનાનું નાટ્ય રૂપાંતરણ સોની ટીવીના ક્રાઇમ પેટ્રોલ શોમાં પ્રસારણ કરવામાં આવશે.

ક્રાઇમ પેટ્રોલને હોસ્ટ કરનાર અભિનેતા અનુપ સોનીનું કહેવું છે કે દિલ્હી ગૅંગ રેપ જેવા ભયાનક અને દુઃખદ બનાવને સનસનાટીપૂર્ણ બનાવાવનો પ્રયત્ન નહીં કરાય. તેમણે જણાવ્યું કે કાર્યક્રમ નિર્માતા આ મુદ્દાને સનસનાટીપૂર્ણ બનાવવાનો પ્રયત્ન નથી કરતાં. સમગ્ર દેશ આ હકીકતથી વાકેફ છે અને દિલ્હીના બનાવના તથ્યો પણ જાણે છે. અમે પોતાના કાર્યક્રમ વડે તેમાં અલગથી કંઈ જ જોડવાના નથી. અમે ક્રાઇમ પેટ્રોલમાં તેને દર્શાવી મુદ્દાને સનસનાટીભર્યો બનાવવાનો પ્રયત્ન નથી કરતાં.

નોંધનીય છે કે 16મી ડિસેમ્બર, 2012ના રોજ દિલ્હીમાં એક ફિજિયોથેરેપીની વિદ્યાર્થિની સાથે છ જણાએ ચાલુ બસમાં સામૂહિક દુષ્કર્મ કર્યુ હતું. ચાર ગુનેગારોને હાલ મોતની સજા ફરમાવવામાં આવી છે. અનુપ સોનીએ જણાવ્યું કે અમે આ કાર્યયક્રમ વડે થોડાક સવાલ ઊભા કરવા માંગીએ છીએ. અમે આ બનાવનું નાટ્ય રૂપાંતરણ કરતી વખતે બહુ ધ્યાન અને સાવધાની રાખી છે.