અમદાવાદ: ખાનગી કારમાં મુસાફરોની ફેરી કરનાર 16 વાહનો પાસેથી 1 લાખનો દંડ વસૂલાયો

અમદાવાદ આરટીઓ(વસ્ત્રાલે)કચેરીએ ખાનગી કારનો ટ્રાન્સપોર્ટ તરીકે ઉપયોગ કરતા 16 અનધિકૃત વાહનો પાસે રુ. 1 લાખનો દંડ વસૂલ્યો છે.

ટ્રાફિક પોલીસના ચેકિંગ દરમિયાન સોમવાર અને મંગળવારે વસ્ત્રાલ આરટીઓ અધિકારીઓને જાણવા મળ્યુ કે 16 ખાનગી કારનો મુસાફરોની ફેરી માટે ઉપયોગ થઈ રહ્યો છે. આરટીઓએ એક નોટિસ જાહેર કરીને રુ.99,500નો દંડ વસૂલ્યો હતો.

અમદાવાદ શહેરમાં RTO કચેરી દ્વારા શહેરના પૂર્વ અને પશ્ચિમ વિસ્તારમાં વસ્ત્રાલ અમદાવાદ RTO દ્વારા ટ્રાફિક પોલીસની મદદથી 6 અને 7 નવેમ્બરના રોજ ડ્રાઇવ ચલાવવામાં આવી હતી. જેમાં OLA, uber, Rapido જેવી કંપની દ્વારા RTOના ધારાધોરણ મુજબ જરૂરી મંજૂરી વિનાના વાહનો ટ્રાન્સપોર્ટ માટે ઉપયોગ થતા હોય છે.

અમદાવાદ આરટીઓ અને વસ્ત્રાલ આરટીઓ દ્વારા ચલાવવામાં આવેલી બે દિવસની ડ્રાઈવ દરમિયાન અમદાવાદ આરટીઓએ રુ.99,500નો દંડ વસૂલ્યો હતો. આ લોકોએ ગેરકાયદેસર રીતે મોટર વ્હીકલ એગ્રીગેટર ગાઈડલાઈન 2020નો ભંગ કરી કાયદાનુ ઉલ્લંઘન કર્યુ હતુ.

તમને જણાવી દઈએ કે આરટીઓ દ્વારા ગાઈડલાઈન જાહેર કરી હોવા છતાં અમદાવાદમાં આ રીતે એપ દ્વારા ચાલી રહેલા વાહનો દોડી રહ્યા છે. આરટીઓની ડ્રાઈવમાં અમુક વાહનો પાસેથી વીમો, આરસી બુક અને પીયુસી મળ્યા નહોતા.

કોઈ પણ વાહનચાલકે ઓલા, ઉબર કે રેપિડો સાથે જોડાઈને ટ્રાન્સપોર્ટ સેવા સાથે જોડાવુ હોય તો તેની પાસે અમુક પ્રકારના એગ્રીગેટર ધારાધોરણ પૂર્ણ કરવા જરુરી છે. જો આમ કરવામાં ન આવે તો દંડ વસૂલીને કાર્યવાહી કરવામાં આવે છે.

English summary

A fine of Rs.1 lakh from 16 vehicles ferrying passengers in private cars