અમદાવાદમાં ભારે વરસાદ, અમદાવાદ એરપોર્ટે જાહેર કરી માર્ગદર્શિકા

Ahmedabad Airport: Heavy rain in Ahmedabad: રવિવારથી શહેરમાં સતત ભારે વરસાદ અને આગામી થોડા દિવસોમાં વધુ વરસાદની આગાહીને ધ્યાનમાં રાખીને અમદાવાદ શહેરના સરદાર વલ્લભભાઈ પટેલ ઈન્ટરનેશનલ એરપોર્ટે એડવાઈઝરી જાહેર કરી છે.

અમદાવાદ શહેરના સરદાર વલ્લભભાઈ પટેલ ઈન્ટરનેશનલ એરપોર્ટ દ્વારા મુસાફરોને તેમની ફ્લાઈટનું સમયપત્રક તપાસવા અને ચેક-ઇન પ્રક્રિયાઓ માટે વધારાનો સમય આપવા વિનંતી કરતી પેસેન્જર એડવાઈઝરી જાહેર કરવામાં આવી છે.

એક્સ (અગાઉ ટ્વિટર) પર પોસ્ટ કરેલા સંદેશમાં, એરપોર્ટ મેનેજમેન્ટે જણાવ્યું હતું કે, અમદાવાદમાં આગામી થોડા દિવસોમાં ભારે વરસાદની આગાહીને કારણે, અમે મુસાફરોને વિનંતી કરીએ છીએ કે તેઓ એરપોર્ટ પર જતા પહેલા તેમની સંબંધિત એરલાઇન્સ સાથે ફ્લાઇટનું સમયપત્રક તપાસે.

અમદાવાદ એરપોર્ટ મેનેજમેન્ટે જણાવ્યું હતું કે, એસવીપીઆઈ એરપોર્ટ પરથી મુસાફરી કરતા મુસાફરોને સીમલેસ મુસાફરીના અનુભવ માટે ચેક-ઈન પ્રક્રિયાઓ માટે વધારાનો સમય ફાળવવાની સલાહ આપવામાં આવે છે.

અમદાવાદ એરપોર્ટ મેનેજમેન્ટે જણાવ્યું હતું કે, આરામદાયક મુસાફરી સુનિશ્ચિત કરવા અમારી ટીમો ચોવીસ કલાક કામ કરી રહી છે.

English summary

Ahmedabad Airport: Heavy rain in Ahmedabad, airport issued guidelines