• search
For Quick Alerts
ALLOW NOTIFICATIONS  
For Daily Alerts
Oneindia App Download

અમદાવાદ કોર્પોરેશનનુ 8111 કરોડ રૂપિયાનુ ડ્રાફ્ટ બજેટ કરાયુ રજૂ, નાગરિકો પર કોઈ વેરા વધારો નહિ

|
Google Oneindia Gujarati News

અમદાવાદઃ અમદાવાદ મ્યુનિસિપલ કોર્પોરેશનનુ વર્ષ 2022-23નુ ડ્રાફ્ટ બજેટ મ્યુનિસિપલ કમિશ્નર લોચન સહેરા દ્વારા વીડિયો કૉન્ફરન્સિંગના માધ્યમથી રજૂ કરવામાં આવ્યુ. કમિશ્નર દ્વારા 8111 કરોડ રૂપિયાનુ ડ્રાફ્ટ બજેટ રજૂ કરવામાં આવ્યુ છે. ગયા વર્ષ કરતા આ વર્ષે 636 કરોડ રૂપિયાનો વધારો કરવામાં આવ્યો છે. ગયા વર્ષ 7475 કરોડ રૂપિયાનુ બજેટ હતુ. આ વખતે ડ્રાફ્ટ બજેટમાં સ્વસ્છતા અને પ્રદૂષણ મુક્ત શહેર માટે ખાસ ધ્યાન આપવામાં આવ્યુ છે.

બજેટમાં ઝોન દીધ 7 સ્માર્ટ સ્કૂલો બનાવવાનો ઉલ્લેખ છે. ટ્રાફિકની કામગીરી માટે 60 કરોડ રૂપિયા ફાળવવામાં આવ્યા છે. આરોગ્ય તેમજ હોસ્પિટલ માટે બજેટ હેઠળ 160 કરોડના ખર્ચે વીએસ હોસ્પિટલનુ નવીનીકરણ, 225 કરોડના ખર્ચે એલજી હોસ્પિટલનુ નવીનીકરણ, 180 કરોડના ખર્ચે શારદાબેન હોસ્પિટલનુ નવીનીકરણ, 60 કરોડના ખર્ચે નવા અર્બન હેલ્થ સેન્ટર -10 તેમજ સીએચસી-2 બનાવાશે.

હાઉસિંગ માટે 355 કરોડનુ બજેટ ફાળવવામાં આવ્યુ છે. પાણી માટે 375.85 કરોડનુ બજેટ ફાળવવામાં આવ્યુ છે. નવા 15 વોટર ડિસ્ટ્રીબ્યુશન સ્ટેશન બનશે. નવા 8 હયાત વોટર ડિસ્ટ્રીબ્યુશન ઓગમેન્ટેશન, 3 ઓવરહેડ ટેન્ક, 6 ભૂગર્ભ ટાંકી બનશે. જાસપુરથી વૈષ્ણોદેવી સર્કલ સુધી 2500 મીનીની એમએસ લાઈન નંખાશે.

ડ્રેનેજ માટે 601.54 કરોડનુ બજેટ ફાળવવામાં આવ્યુ છે. જેમાં 2 સુએઝ ટ્રીટમેન્ટ પ્લાન્ટ, 5 સુએઝ પમ્પિંગ સ્ટેશન, 2 સુએઝ નેટવર્ક, 8 ડ્રેનેજ લાઈન, 2 ડિશીલ્ટીંગના કામ થશે. વળી, 456 કરોડના ખર્ચે ખારીકટ કેનાલ અને શહેરના તળાવો વિકસાવવાનુ કામ કરવામાં આવશે. શહેરમાં 275 કિમીના રોડ બનશે. શહેરમાં હાલમાં 79 બ્રીજ છે. 10 બ્રીજનુ કામ ચાલુ છે. આગામી વર્ષે 13 નવા બ્રીજ બનશે. અર્બન ટ્રાન્સપોર્ટ માટે 200 કરોડનુ બજેટ છે.

English summary
Ahmedabad Corporation Draft Budget declared by Municipal commissioner Lochan Sehra
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X