ઈસનપુર તળાવ આસપાસ મેગા ડિમોલિશન, 900થી વધુ દબાણો હટાવાશે

અમદાવાદમાં ઇસનપુર તળાવ ખાતે મહાનગરપાલિકા દ્વારા મેગા ડિમોલિશન અભિયાન શરૂ કરવામાં આવ્યું છે. આ કાર્યવાહી અંતર્ગત 900થી વધુ દબાણો દૂર કરવામાં આવશે, જે છેલ્લા 40 વર્ષથી આ તળાવની આસપાસ ઊભા કરાયા હતા.

આજે વહેલી સવારથી જ ચુસ્ત પોલીસ બંદોબસ્ત વચ્ચે દબાણ હટાવવાની કામગીરી શરૂ કરવામાં આવી છે. આ માટે 20 જેસીબી, હિટાચી મશીનો અને મોટી સંખ્યામાં મજૂરોને કામે લગાડવામાં આવ્યા છે. કોઈ પણ અનિચ્છનીય બનાવ ન બને તે માટે પોલીસ જવાનોનો મોટો કાફલો તૈનાત છે.

અમદાવાદ મ્યુનિસિપલ કોર્પોરેશન (AMC) દ્વારા ઇસનપુરના રામવાડી તળાવ વિસ્તારમાં આ કાર્યવાહી હાથ ધરાઈ છે. AMCની ચાર ઝોનની એસ્ટેટ ટીમો દ્વારા અલગ-અલગ ટુકડીઓ બનાવીને ડિમોલિશન કામગીરી ચાલી રહી છે.

અધિકારીના જણાવ્યા અનુસાર, ચંડોળા તળાવ બાદ અમદાવાદમાં આ બીજું સૌથી મોટું ડિમોલિશન અભિયાન છે. રામવાડી તળાવ આસપાસના ગેરકાયદેસર બાંધકામો પર પાલિકાનું બુલડોઝર ફેરવી રહ્યું છે, જ્યાં અંદાજે 1000 જેટલા લોકો રહેતા હતા.

English summary

The Ahmedabad Municipal Corporation has commenced a significant demolition campaign at Esanpur Talaav, targeting over 900 illegal structures built over the last 40 years. This operation involves heavy machinery and substantial police presence to ensure safety during the process.