Ahmedabad Weather Update: હીટવેવ માટે ઓરેન્જ અને યલો એલર્ટ, એક અઠવાડિયા સુધી તપશે અમદાવાદ
Ahmedabad Weather Update : કમોસમી વરસાદ બાદ ગુજરાતમાં ગરમીમાં વધારો થયો છે. અમદાવાદ મ્યુનિસિપલ કોર્પોરેશન (AMC) દ્વારા આગામી સપ્તાહમાં શહેરમાં ઓરેન્જ એલર્ટ અને યલો એલર્ટ જાહેર કરવામાં આવ્યું છે.
અમદાવાદ મ્યુનિસિપલ કોર્પોરેશનના દ્વારા બહાર પાડવામાં આવેલા હીટ એક્શન પ્લાન બુલેટિન અનુસાર, અમદાવાદ શહેર 19, 20 અને 23 મેના રોજ ઓરેન્જ એલર્ટ હેઠળ રહેશે. 21-22 મે દરમિયાન ગરમી માટે શહેર યલો એલર્ટ હેઠળ રહેશે.
યલો એલર્ટ દરમિયાન મહત્તમ તાપમાન 43 ડિગ્રી જેટલું ઊંચું હોઈ શકે છે, જ્યારે ઓરેન્જ એલર્ટ દરમિયાન તે 44 ડિગ્રી સુધી જઈ શકે છે. લઘુત્તમ તાપમાન અનુક્રમે 29 અને 30 ડિગ્રી રહેશે.
AMC બુલેટિને વધુમાં માહિતી આપી હતી કે, 1-17 મે દરમિયાન 108 ઈમરજન્સી સેવા દ્વારા કુલ 4131 ગરમી સંબંધિત કેસ નોંધાયા હતા. AMC હોસ્પિટલોમાં સમાન સમયગાળામાં આવા 216 કેસ જોવા મળ્યા હતા.
અમદાવાદ મ્યુનિસિપલ કોર્પોરેશન દ્વારા ગરમીની ચેતવણીના સમયગાળા દરમિયાન નાગરિકો દ્વારા લેવાના પગલાંની સંખ્યા પણ જાહેર કરવમાં આવી છે.
Click it and Unblock the Notifications
Sign in with Google
