કિંજલ દવે હવે નહી ગાઈ શકે ચાર બંગડીવાળુ ગીત! જાણો ગુજરાત હાઈકોર્ટે આવો ચુકાદો કેમ આપ્યો?
High Court Stay On Kinjal Dave's Char Bangdiwali Song: ગુજરાતની લોકપ્રિય લોકગાયિકા કિંજલ દવેને હાલમાં સિવિલ કોર્ટે 'ચાર બંગડીવાળી ગાડી' ગીત ગાવાની મંજૂરી આપી હતી પરંતુ હવે હાઈકોર્ટે કિંજલ દવેને ગીત ગાવા પર સ્ટે મૂકી દીધો છે.
'ચાર બંગડીવાળી ગાડી' ગીત ગાવા પર ગુજરાત હાઈકોર્ટે સ્ટે લંબાવ્યો છે. નોંધનીય છે કે રીબન એન્ટરટેઈનમેન્ટ કંપનીએ અમદાવાદની સિટી સિવિલ કોર્ટમાં કોપીરાઈટનો કેસ ફાઈલ કર્યો હતો, જો કે અરજદાર ગીતના કોપીરાઈટ હોવાનુ પુરવાર ન કરી શકતા કિંજલ દવે કેસ જીતી ગઈ હતી અને રાહત મળી હતી.
બાદમાં અરજદારે આ ચુકાદાને હાઈકોર્ટમાં પડકાર્યો હતો. ગુજરાત હાઇકોર્ટે અરજદારની અરજી માન્ય રાખીને કિંજલ દવેને 'ચાર બંગડીવાળી ગાડી' ગીત ગાવા પર 6 માર્ચ સુધી સ્ટે લંબાવી દીધો છે. આ ચુકાદા બાદ ફરીવાર કિંજલ દવેની મુશ્કેલીઓ વધી ગઈ છે.
કિંજલ દવેએ ગાયેલુ 'ચાર બંગડીવાળી ગાડી' ગીત 20 ડિસેમ્બર, 20216ના રોજ RDC ગુજરાતીની યુટ્યુબ ચેનલ પર અપલોડ કરવામાં આવ્યું હતું. આ ગીત ખૂબ જ લોકપ્રિય થયું હતું. જાન્યુઆરી, 2017માં રેડ રીબન એન્ટરટેઇનમેન્ટ કંપનીએ એવો દાવો કર્યો હતો કે, ઑસ્ટ્રેલિયાના કાર્તિક પટેલે આ ગીતની સંકલ્પના નવેમ્બર 2015માં કરી હતી અને તેમણે આ ગીતને 2016ની 29મી સપ્ટેમ્બરે કાઠિયાવાડી કિંગ્સની યુટ્યુબ ચેનલ પર વીડિયો અપલોડ કર્યો હતો. એટલે કે કાર્તિક પટેલનું ગીત કિંજલ દવેએ પોતાના શબ્દોમાં ગાયું હતું.
Click it and Unblock the Notifications
Sign in with Google
