અમદાવાદમાં આજે અને કાલે તાપમાન રહેશે સામાન્ય, બે દિવસ બાદ વધશે ઠંડી

Weather Update: રાજ્યમાં ધીમે ધીમે ઠંડીનો પારો વધી રહ્યો છે. વહેલી સવારે શિયાળાની અસર જોવા મળી રહી છે. ત્યારે ઠંડી અંગે હવામાન વિભાગે આગાહી કરી છે. હવે ગુજરાતીઓએ આગામી સમયમાં વધુ ઠંડીનો સામનો કરવો પડી શકે છે.

જો વાત કરીએ અમદાવાદની તો, આજે એટલે કે 19 નવેમ્બર, 2024ના રોજ 27.52 °C છે, જો કે, આ તાપમાનમાં વધારો ઘટાડો થઈ શકે છે. દિવસ દરમિયાન લધુત્તમ તાપમાન 20.02°C થઈ શકે છે, જ્યારે મહત્તમ તાપમાન 31.41°C થઈ શકે છે. જ્યારે પવનની ગતિની ઝડપ 30 કિમી પ્રતિકલાક થઈ શકે છે. જોકે, આજનું હવામાન સ્વચ્છ રહી શકે છે.

અમદાવાદની હવાની ગુણવત્તા મધ્યમ

આવતીકાલે અમદાવાદનું તાપમાન લઘુત્તમ તાપમાન 21.46°C અને મહત્તમ તાપમાન 31.57°C રહી શકે છે.અમદાવાદમાં AQIની વાત કરીએ તો, આજે AQI 157.0 છે, જે મુજબ અમદાવામાં હવાની ગુણવત્તા મધ્યમ હોવાનું જાણવા મળે છે.

બે દિવસ રહેશે સૂકુ વાતાવરણ

હવામાન અંગે હવામાન વિભાગની આગાહી અનુસાર, રાજ્યનું વાતાવરણ આગામી સમયમાં સૂકુ રહેવાની શક્યતા છે. હવામાન વિભાગના વૈજ્ઞાનિક અભિમન્યુ ચૌહાણે આગાહી કરતા જણાવ્યુ હતુ કે, ગુજરાતમાં વાતાવરણ સૂકુ રહેવાની શક્યતા છે. જો કે, આગામી બે દિવસ વાતાવરણ યથાવત રહેશે, જ્યારે બે દિવસ બાદ તાપમાનમાં ઘટાડો નોંધાશે. જો કે, આ દરમિયાન રાજ્યનું વાતાવરણ ચોખ્ખુ રહેશે.

આગામી સમયમાં ફૂંકાશે ઠંડા પવન

ઠંડી અંગે આગાહી કરતા જણાવ્યુ હતુ કે, હાલરાજ્યમાં ઉત્તર તરફથી પવન ફૂંકાઈ રહ્યો છે, જેના કારણે રાજ્યમાં પણ ઠંડા પવન આવશે. હાલ રાજ્યમાં પૂર્વ તરફના પવનો ફૂંકાઈ રહ્યા છે. હવાની દિશા બદલાઈને ઉત્તર તરફ થશે ત્યારે બાદ ગુજરાતમાં ઠંડા પવન ફૂંકાઈ શકે છે.