આપ નેતાનો હવામાં ફાયરિંગ કરતો વીડિયો વાયરલ, પોલીસે કરી ધરપકડ
ગુજરાતના અંકલેશ્વરમાં હવામાં ફાયરિંગ કરવાના મામલે પોલીસે આમ આદમી પાર્ટી નેતા સહિત 2 લોકોની ધરપકડ કરી છે. આપ નેતા અંકુર પટેલ તેમના મિત્ર સાથે પેટ્રોલ પંપ પર ગયા હતા. જ્યાં બહાર ઉભા રહીને રિવોલ્વરથી હવામાં ફાયરિંગ કર્યું હતું. આ ઘટનાનો વીડિયો વાયરલ થઇ રહ્યો છે.
ગુજરાત આમ આદમી પાર્ટીના નેતા અંકુર પટેલ તેના મિત્ર અફઝલ પઠાણ સાથે કારમાં અંકલેશ્વરના પેટ્રોલ પંપ પર ગયા હતા, જ્યાં તેમણે પંપની સામે ઉભા રહીને રિવોલ્વરમાંથી હવામાં અનેક રાઉન્ડ ફાયરિંગ કર્યું હતું. તેમનો વીડિયો ઈન્ટરનેટ મીડિયામાં વાયરલ થતાં પોલીસ સક્રિય થઈ ગઈ અને ગુરુવારના રોજ અંકુર અને અફઝલની ધરપકડ કરી હતી.
અમદાવાદ શહેર કોંગ્રેસના 2 આગેવાનોના રાજીનામા - ગુજરાત કોંગ્રેસમાં વિધાનસભાની ચૂંટણીથી જ ખળભળાટ મચી ગયો છે, પક્ષમાં જૂથવાદ અને આંતરિક ખેંચતાણના કારણે અમદાવાદ શહેર કોંગ્રેસ પ્રમુખ અને શહેર મહિલા કોંગ્રેસ પ્રમુખે પોતાના રાજીનામા પાર્ટીના નેતાને સુપરત કરી દીધા છે.
વિપક્ષના હોદ્દા પર ધમાસાણ ચાલુ - અમદાવાદ શહેર મહિલા કોંગ્રેસ પ્રમુખ હેતા બેન પરીખે પ્રદેશ મહિલા કોંગ્રેસ પ્રમુખ અને શહેર કોંગ્રેસ પ્રમુખ નીરવ બક્ષીએ પ્રદેશ કોંગ્રેસ પ્રમુખને પત્ર લખીને જવાબદારીમાંથી મુક્ત થવા જણાવ્યું છે.
અમદાવાદ મ્યુનિસિપલ કોર્પોરેશનમાં વિપક્ષના નેતા પદ માટે ગુજરાત કોંગ્રેસમાં શરૂઆતથી જ રસાકસી ચાલી રહી છે, વિધાનસભાની ચૂંટણીમાં પોતાના મનપસંદને ટિકિટ ન મળવાના કારણે અનેક નેતાઓમાં નારાજગી જોવા મળી રહી છે.
ચૂંટણી પહેલા કોંગ્રેસના કાઉન્સિલર્સના બે અલગ-અલગ જૂથો વિપક્ષના પદ માટે દાવેદારી કરી રહ્યા હતા, પરંતુ શહઝાદ ખાન પઠાણ જીતી ગયા હતા. નીરવ બક્ષીએ અંગત કારણોસર હોદ્દો છોડવાની ઈચ્છા વ્યક્ત કરી છે, કહેવાય છે કે, પિતા સુરેન્દ્ર બક્ષીની નાદુરસ્ત તબિયતના કારણે નીરવે પાર્ટીના કાર્યક્રમોમાં ભાગ લેવાની અસમર્થતા વ્યક્ત કરી છે.
Click it and Unblock the Notifications
Sign in with Google
