અમદાવાદના જમાલપુરમાં મતદાન દરમિયાન હોબાળો, બોગસ વોટિંગનો આરોપ

અમદાવાદના જમાલપુરમાં હોબાળો થયો હોવાના અહેવાલ છે. મળતી વિગતો અનુસાર, કોંગ્રેસ અને AIMIMના કાર્યકર્તાઓ વચ્ચે આ બબાલ થઈ છે.

અમદાવાદ : અમદાવાદના જમાલપુરમાં હોબાળો થયો હોવાના અહેવાલ છે. મળતી વિગતો અનુસાર, કોંગ્રેસ અને AIMIMના કાર્યકર્તાઓ વચ્ચે આ બબાલ થઈ છે.

હાલ ગુજરાતમાં બીજા તબક્કાનું મકદાન પુર્ણ થવાની તૈયારીમાં છે ત્યારે જમાલપુરના સૈયદવાડામાં આ બબાલ થઈ છે. અહીં કોંગ્રેસ અને AIMIMના કાર્યકર્તાઓ સામસામે આવી જતા બબાલ થઈ હતી.

રાજ્યમાં બીજા તબક્કાના મતદાન વચ્ચે વિવિધ જગ્યાઓએથી બબાલના સમાચાર સામે આવી રહ્યા ત્યારે બોગસ વોટીંગને લઈને જમાલપુરમાં આ હોબાળો થયો હતો. AIMIMના કાર્યકર્તાઓએ આક્ષેપ કર્યો છે કે બોગસ વોટીંગ કરાવવામાં આવી રહ્યુ છે. આ બબાલ બાદ અહીં મોટી સંખ્યામાંં કાર્યકર્તાઓ એકઠા થયા છે.

કાર્યકર્તાઓ વચ્ચે બબાલ થતા પોલીસ ઘટના સ્થળે પહોંચી હતી અને મામલો શાંત પાડવાનો પ્રયાસ કર્યો હતો. અહીં તમને જણાવી દઈએ કે, ગુજરાત આજના મતદાન સાથે જ ગુજરાત વિધાનસભા ચૂંટણી માટે મતદાન પુર્ણ થઈ ગયુ છે અને હવે 8 ડિસેમ્બરે પરિણામ જાહેર કરાશે. આજના મતદાનમાં બીજા તબક્કાની સીટો પર ધીમુ મતદાન જોવા મળ્યુ છે. સરેરાશ મતદાનના આંકડામાં મોટો ફેરફાર જોવા મળી રહ્યો છે.

English summary

Uproar during voting in Ahmedabad's Jamalpur