Viral Video: અમદાવાદ DCPની ઓફિસમાં ભાજપ કાર્યકરે ઉજવ્યો બર્થ ડે, વીડિયો વાયરલ

Viral Video: હાલ સોશિયલ મીડિયા પર પોલીસ સ્ટેશનમાં બર્થ ડેની ઉજવણીનો એક વીડિયો વાયરલ થઇ રહ્યો છે. આ વીડિયો દરિયાપુરમાં આવેલી એસીપીની ચેમ્બરનો છે.

આ વીડિયોમાં જોઇ શકાય છે કે, IPS ઓફિસર ડૉ. કાનન દેસાઇએ તેમના અધિકારક્ષેત્ર હેઠળ આવતા SP ની ચેમ્બરમાં તમામ PI ને ભેગા કરીને ભારતીય જનતા પાર્ટીના કાર્યકરના જન્મ દિવસની ઉજવણી કરી રહ્યા છે.

આ વીડિયો સોશિયલ મીડિયા પર વાયરલ થઇ રહ્યો છે. આ સાથે લોકો પોલીસ અધિકારીના આવા વલણની આકરી ટીકા પણ કરી રહ્યા છે. આ સાથે લોકો એવા સાવલ પણ ઉઠાવી રહ્યા છે કે, ભાજપના કાર્યકર્તાઓ પોલીસ ચેમ્બરમાં આવીને કેક સાથે ઉજવણી કરે, તે કેટલે અંશે યોગ્ય છે?

ઝોન 4 DCP કાનન દેસાઇ પોતાના સહ પોલીસ કર્મચારીઓ સાથે મળીને SP ઓફિસમાં દેખાઈ રહ્યા છે. આ સાથે ભારતીય જનતા પાર્ટીના કાર્યકર હિમાંશુ ચૌહાણ અને લોક કલાકાર તેમજ ગુજરાત રાજ્ય સંગીત અકાદમીના પૂર્વ ચેરમેન યોગેશ ગઢવી પણ જોવા મળી રહ્યા છે.

આ વીડિયોમાં ઝોન- 4 DCP કાનન દેસાઇ, SP સહિત તમામ PI હેપ્પી બર્થ ડે ટુ યુનું ગીત ગાઈ રહ્યા છે. જે દરમિયાન ભાજપના કાર્યકર્તા હિમાંશુ ચૌહાણ કેક કાપતા જોવા મળી રહ્યા છે.

આ સમગ્ર ઘટનાનો વીડિયો ખુદ ભાજપના નેતા દ્વારા ફેસબુક પર પોસ્ટ કરીને વાયરલ કરવામાં આવ્યો હતો. આ અંગે DCP કાનન દેસાઇનો સંપર્ક કરતા તેમણે જણાવ્યું હતું કે, મારે આ મુદ્દે કંઇ જ કહેવાનું આવતું નથી.

જ્યારે અમદાવાદ પોલીસ કમિશનર જી. એસ. મલિકને સોશિયલ મીડિયામાં ફરતા આ વાયરલ વીડિયોની જાણ થઈ છે. તેમણે આ વીડિયો અંગે તમામ માહિતી મેળવીને તપાસ કરાવવામાં આવશે, તેવું આશ્વાસન આપ્યું છે.

ગજબ છે હો..!અમદાવાદ ભાજપ ના એક કાર્યકર નો જન્મદિવસ એક ઉચ્ચ પોલીસ અધિકારીની ચેમ્બરમાં ઉજવાયો.. સિનિયર અધિકારીઓની હાજરીમાં હેપી બર્થ ડે નું ગીત પણ ગવાયું.. કેક કટીંગ નો વિડીયો થયો વાયરલ pic.twitter.com/d4QLAjP0T7

— Deepak rajani (@deepakrajani123) June 28, 2024

English summary

Viral Video: BJP worker celebrated birthday in Ahmedabad DCP office