Western Railway: રેલવે મુસાફરો માટે ગુડ ન્યૂઝ, અમદાવાદ-દ્વારકા-ઓખા વચ્ચે દોડશે જન્માષ્ટમી સ્પેશિયલ ટ્રેન

Western Railway: વેસ્ટર્ન રેલવે મુસાફરો માટે એક આનંદના સમાચાર સામે આવી રહ્યા છે. પશ્ચિમ રેલવે મુસાફરોની સુવિધા માટે અને તહેવાર દરમિયાન દ્વારકા અને ત્યાંથી મુસાફરીની માંગને પહોંચી વળવા માટે અમદાવાદ - ઓખા જન્માષ્ટમી સ્પેશિયલ 09453/54 ચલાવશે.

ટ્રેન નંબરનું બુકિંગ 09453 31મી જુલાઈ, 2024ના રોજ PRS કાઉન્ટર્સ અને IRCTC વેબસાઈટ પર ખુલશે. ટ્રેન 25 ઓગસ્ટ (રવિવાર)ના રોજ અમદાવાદથી 7.45 કલાકે ઉપડશે.

આવી જ રીતે સમાન દિવસે 17.00 કલાકે ઓખા પહોંચશે. વળતરની મુસાફરીમાં, ટ્રેન ઓખાથી 5.30 કલાકે (સોમવારે) ઉપડશે અને તે જ દિવસે 15.00 કલાકે અમદાવાદ પહોંચશે.

આ ટ્રેન બંને દિશામાં ચાંદલોડિયા, વિરમગામ, સુરેન્દ્રનગર, થાન, વાંકાનેર, રાજકોટ, હાપા જામનગર, ખંભાળિયા અને દ્વારકા સ્ટેશને ઉભી રહેશે. ઉલ્લેખનીય છે કે, આ ટ્રેનમાં સ્લીપર અને સેકન્ડ ક્લાસ એસી કોચ હશે.