ગુજરાતમાં 3 મહિનામાં 503 ધાર્મિક ઇમારતો તોડી પડાઇ, જાણો કારણ
Gujarat: છેલ્લા ત્રણ મહિનામાં ગુજરાતમાં જાહેર સ્થળો પરથી 503 જેટલા અનધિકૃત ધાર્મિક બાંધકામો દૂર કરવામાં આવ્યા છે. ગુજરાત સરકાર દ્વારા હાઈકોર્ટને જણાવવામાં આવ્યું છે કે, સુપ્રીમ કોર્ટની સૂચના બાદ છેલ્લા ત્રણ મહિનામાં આ કાર્યવાહી કરવામાં આવી છે.
એડવોકેટ જનરલ કમલ ત્રિવેદીએ ગુજરાત હાઈકોર્ટના મુખ્ય ન્યાયાધીશ સુનીતા અગ્રવાલની બેચને જણાવ્યું હતું કે, રાજ્ય સરકારે આવા માળખાને નિયમિતપણે દૂર કરવા અને સંબંધિત વિભાગોને સ્ટેટસ રિપોર્ટ સબમિટ કરવા માટે સ્થાનિક વહીવટી સ્તરે સમિતિઓ બનાવવાની માર્ગદર્શિકા જાહેર કરી છે.
આ કાર્યવાહી ક્યારે અને કેટલા સમયમાં કરવામાં આવી? - એડવોકેટ જનરલ કમલ ત્રિવેદીએ કહ્યું કે, 22 એપ્રિલ, 2024ના રોજ સુઓ મોટો પર દાખલ કરવામાં આવેલી અરજીની સુનાવણી થઈ, ત્યારથી લગભગ ત્રણ મહિનામાં 503 ધાર્મિક સંરચના દૂર કરવામાં આવી છે.
રાજ્યના 236 જિલ્લા પંચાયત વિસ્તારો અને 267 મ્યુનિસિપલ કોર્પોરેશન વિસ્તારમાં આ કાર્યવાહી કરવામાં આવી છે.
આ ઉપરાંત મ્યુનિસિપલ કોર્પોરેશન વિસ્તારોમાં આવા બે માળખાને નિયમિત કરવામાં આવ્યા છે, અને 28 એક જગ્યાએથી બીજી જગ્યાએ ટ્રાન્સફર પણ કરવામાં આવ્યા છે, જેમાંથી 17 જિલ્લામાં અને 11 મ્યુનિસિપલ કોર્પોરેશન વિસ્તારમાં છે, એમ તેમણે જણાવ્યું હતું.
દર ત્રણ મહિને સમીક્ષા કરવામાં આવે છે - 22 એપ્રિલ, 2024ના આદેશ અનુસાર રાજ્યના ગૃહ વિભાગના સચિવ દ્વારા દાખલ કરવામાં આવેલી એફિડેવિટમાં કોર્ટને વિગતો આપવામાં આવી છે.
એડવોકેટ જનરલ કમલ ત્રિવેદીએ જણાવ્યું હતું કે, સ્થાનિક સત્તાવાળાઓએ સ્થાનિક ધાર્મિક વડાઓ સાથે 294 બેઠકો યોજી હતી, અને તેમને આવા અનધિકૃત બાંધકામોને દૂર કરવા વિનંતી કરી હતી.
તેમણે હાઈકોર્ટને જણાવ્યું હતું કે, રાજ્ય સરકારે 19 એપ્રિલ, 2024ના રોજ એક માર્ગદર્શિકા તૈયાર કરી હતી, જેમાં સ્થાનિક સત્તાવાળાઓને 10 દિવસમાં સમિતિઓ બનાવવાનો નિર્દેશ આપવામાં આવ્યો છે. ત્રિવેદીએ જણાવ્યું હતું કે સમિતિ દ્વારા લેવામાં આવેલા પગલાંની દર ત્રિમાસિકમાં સમીક્ષા કરવામાં આવે છે.
SCએ અનધિકૃત ધાર્મિક સંરચનાઓને હટાવવાનો નિર્દેશ આપ્યો - સુપ્રીમ કોર્ટે તમામ રાજ્યો અને કેન્દ્રશાસિત પ્રદેશોને જાહેર સ્થળો પરના અનધિકૃત ધાર્મિક સંરચનાઓની ઓળખ કરવા અને તેને દૂર કરવા, સ્થાનાંતરિત કરવા અથવા નિયમિત કરવા અંગે એક વ્યાપક નીતિ બનાવવાનો નિર્દેશ આપ્યો હતો.
Click it and Unblock the Notifications
Sign in with Google
