કેન્દ્રીય ગૃહમંત્રી અમિત શાહ આજે ગુજરાત આવશે, અમદાવાદ અને મહેસાણાના કાર્યક્રમોમાં હાજરી આપશે

Amit Shah Gujarat visit: કેન્દ્રીય ગૃહમંત્રી અમિત શાહ આજે રાત્રે અમદાવાદ પહોંચશે, ગુરુવારે 13 નવેમ્બરે મહેસાણામાં સૈનિક સ્કૂલનું ઉદ્ઘાટન અને અમદાવાદમાં ઇન્ટરનેશનલ બુક ફેરનું ઉદ્ઘાટન કરશે.

કેન્દ્રીય ગૃહમંત્રી અમિત શાહ આજે રાત્રે ગુજરાતના પ્રવાસે આવી રહ્યા છે. તેઓ આજે રાત્રે અમદાવાદ પહોંચશે અને ગુરુવારે, 13 નવેમ્બરના રોજ મહેસાણા અને અમદાવાદમાં આયોજિત વિવિધ વિકાસ કાર્યો અને કાર્યક્રમોમાં હાજરી આપશે.

નોંધનીય છે કે, PM નરેન્દ્ર મોદી પણ 14 નવેમ્બરે નર્મદા જિલ્લાના ડેડીયાપાડા ખાતે એક ખાસ કાર્યક્રમમાં હાજરી આપવા માટે ગુજરાત આવી રહ્યા છે.

મહેસાણામાં દૂધસાગર ડેરી અને સૈનિક સ્કૂલના કાર્યક્રમો

ગૃહમંત્રી અમિત શાહ 13 નવેમ્બરના રોજ મહેસાણામાં બે મુખ્ય કાર્યક્રમોમાં હાજરી આપશે.

શ્રી મોતીભાઈ ચૌધરી સૈનિક સ્કૂલનું ઉદ્ઘાટન: તેઓ મહેસાણામાં દૂધ સાગર ડેરી દ્વારા આયોજિત ખાસ કાર્યક્રમમાં ભાગ લેશે અને શ્રી મોતીભાઇ ચૌધરી સૈનિક સ્કૂલનું ઉદ્ઘાટન કરશે.

ઓર્ગેનિક પ્રોસેસિંગ પ્લાન્ટનું લોકાર્પણ: આ ઉપરાંત, તેઓ બોરીયાવી ખાતે ઓર્ગેનિક પ્રોસેસિંગ પ્લાન્ટનું લોકાર્પણ પણ કરશે.

અમદાવાદમાં ઇન્ટરનેશનલ બુક ફેરનું ઉદ્ઘાટન

મહેસાણાના કાર્યક્રમો બાદ ગૃહમંત્રી અમિત શાહ અમદાવાદ પહોંચશે.

તેઓ અમદાવાદના રિવરફ્રન્ટ ખાતેના ઇવેન્ટ સેન્ટરમાં યોજાનારા ઇન્ટરનેશનલ બુક ફેરને ખુલ્લો મુકશે.

આ બુક ફેર 13 નવેમ્બરથી 23 નવેમ્બર દરમિયાન યોજાવાનો છે, અને તેમાં કેન્દ્રીય શિક્ષણ મંત્રી ધર્મેન્દ્ર પ્રધાન પણ હાજર રહેશે.

અમદાવાદ અને મહેસાણાના વિવિધ કાર્યક્રમોમાં હાજરી આપ્યા બાદ ગૃહમંત્રી અમિત શાહ રાત્રે દિલ્હી પરત ફરશે.

English summary

Union Home Minister Amit Shah will arrive in Ahmedabad tonight and attend various events in Mehsana and Ahmedabad on November 13. His schedule includes inaugurating the Motibhai Chaudhary Sainik School and an organic plant in Mehsana, and opening the International Book Fair in Ahmedabad.