અમરેલીમાંથી 2.91 કરોડની વ્હેલ માછલીની ઉલટી સાથે બે લોકો ઝડપાયા

અમરેલી પોલીસે વ્હેલ માછલીની ઉલટી સાથે બે શખ્સોને ઝડપી પાડ્યા છે. આ બે શખ્સો પાસેથી 2.91 કરોડની કિંમતની 2.91 કિલોગ્રામ ઉલટી જપ્ત કરાઈ છે.

બાતમીના આધારે અમરેલી LCBની ટીમે શહેરના સેન્ટર પોઈન્ટ વિસ્તારમાં વોચ ગોઠવીને આરોપીઓને ઝડપી પાડ્યા હતા.

પોલીસને કેટલાક શખ્સો કિંમતી વ્હેલ માછલીની ઉલટીનું વેચાણ કરવા માટે ગ્રાહકની શોધમાં કરી રહ્યા હોવાની બાતમી મળી હતી. બાતમીના આધારે પોલીસે બે શખ્સોને ઝડપી પાડ્યા છે અને ઉલટીના ત્રણ ટુકડા જપ્ત કર્યા છે.

આરોપીઓએ જણાવ્યું કે તેમને આ ઉલ્ટી તળાજાના રાજપરા ગોપનાથના દરિયાકિનારેથી મળી હતી. તે માછીમારી કરવા ગયા હતા ત્યારે આ વસ્તુ તેમના હાથ લાગી.

અમરેલી પોલીસે આ બંને આરોપીઓની ધરપકડ કરીને વન વિભાગને જાણ કરી છે. આ પ્રકરણે વધુ તપાસ હાથ ધરવામાં આવી છે કે શું આ શખ્સો કોઈ મોટા નેટવર્ક સાથે સંકળાયેલા છે કે કેમ.

English summary

Amreli Police Seize Whale Vomit Worth ₹2.91 Crore, Two Arrested