અમૂલનો ટેસ્ટ થયો મોંઘોઃ દૂધમાં 2 રૂપિયાનો વધારો

ગાંધીનગર, 1 જૂલાઇઃ મોંઘવારી સામે લડત ચલાવી રહેલી પ્રજા માટે માઠા સમાચાર છે. ગત અઠવાડિયે પેટ્રોલના ભાવમાં વધારો થયા બાદ હવે જીવન જરૂરી દૂધના ભાવમાં પણ વધારો થતાં સામાન્ય નાગરીકની કમર તૂટી ગઇ છે. 'ધ ટેસ્ટ ઓફ ઇન્ડિયા' અમૂલ દ્વારા આજથી પોતાની તમામ દૂધ પ્રોડક્ટમાં 2 રૂપિયા સુધીનો વધારો કર્યો છે. અત્રે ઉલ્લેખનીય છે કે આ સાથે જ અમૂલ દ્વારા ચાલું વર્ષમાં સતત બીજી ભાવ દૂધના ભાવમાં વધારો કર્યો છે.

તાજેતરમા ગુજરાત કો-ઓ. મિલ્ક માર્કેટિંગ ફેટરેશનની એક બેઠક મળી હતી, જેમાં અમૂલ દૂધના ભાવમાં વધારો કરવામાં આવ્યો હતો. આ ભાવ વધારો આજથી સૌરાષ્ટ્ર, અમદાવાદ, આણંદમાં અમલી કરવામાં આવ્યો છે. અમૂલની ભાવ વધારાની જાહેરાતના પગલે અન્ય જિલ્લા દૂધ ઉત્પાદક સંઘો દ્વારા પણ પોતાની પ્રોડક્ટમાં ભાવ વધારો ઝીંકવામાં આવ્યો છે.

આજથી લાગુ થયેલા અમૂલ દૂધના ભાવ પર એક નજર ફેરવવામાં આવે તો ડાયમંડનો ભાવ રૂ. 44થી વધીને રૂ. 45, ગોલ્ડ રૂ 40થી વધીને રૂ. 42, શક્તિ રૂ 36થી વધીને રૂ. 38 ભાવ વધારો કરવામાં આવ્યો છે, આ ઉપરાંત ટી સ્પેશિયલ, તાઝા અને એસએનટીના ભાવમાં પણ વધારો કરાયો છે. ગાયના દૂધની વાત કરવામાં આવે તો ગાયનું દૂધ રૂ. 33થી વધીને રૂ. 35 કરવામા આવ્યું છે.

English summary

Bad news for milk-totallers! Your glassful of doodh has become even dearer by 5% with milk price set to rise by Rs2 per litre from July 1.