પોરબંદરની કેન્દ્રીય વિદ્યાલય ખાતે પરીક્ષા પે ચર્ચા કાર્યક્રમ યોજાયો
પોરબંદરની કેન્દ્રીય વિદ્યાલય ખાતે પરીક્ષા પે ચર્ચા કાર્યક્રમ અંતર્ગત નેતાજી સુભાષચંદ્ર બોઝની જન્મજયંતિ પરાક્રમ દિવસ નિમિત્તે 'જિલ્લા કક્ષાની ચિત્ર સ્પર્ધાનું આયોજન કરવામાં આવ્યું હતું.
નેતાજી સુભાષચંદ્ર બોઝની તસ્વીરને પુષ્પાંજલિ આપીને કાર્યક્રમની શરૂઆત કરવામાં આવી હતી. આ તકે શાળાની પ્રાર્થના સભામાં વિદ્યાર્થીઓએ કવિ ગોપાલ પ્રસાદ વ્યાસ લિખિત કવિતા રજૂ કરવામાં આવી હતી. શિક્ષક દિનેશ ભાઈ ધાકડ દ્વારા વિદ્યાર્થીઓને નેતાજી સુભાષચંદ્ર બોઝ વિશેની વિસ્તૃત જાણકારી આપવામાં આવી હતી.
વિદ્યાર્થીઓએ બહાદુરી દિવસ અને સુભાષચંદ્ર બોઝને લગતી સ્લોગન લેખન સ્પર્ધામાં ભાગ લીધો હતો. આ કાર્યક્રમ પોરબંદર જિલ્લા શિક્ષણાધિકારી વિનોદભાઈ પરમારની અધ્યક્ષતામાં અને શાળાના આચાર્ય રાકેશ ટી કાંતિવાલની આગેવાની હેઠળ સંપન્ન થયો હતો.
કાર્યક્રમના અતિથિ વિશેષ તરીકે રાણાવાવની સરકારી શાળાના આચાર્ય સંદીપ સોની ઉપસ્થિત રહ્યા હતા. ચિત્ર સ્પર્ધાના નિર્ણાયકો શ્રી દિનેશ પોરીયા, સમીર ઓડેદરા અને કરશનભાઈ ઓડેદરા હતા.
વડાપ્રધાન નરેન્દ્ર મોદી દ્વારા લખાયેલ પુસ્તક પરીક્ષા યોદ્ધામાં પરીક્ષાને ઉજવણી તરીકે ગણીને સફળતા મેળવવાના 25 મંત્રો, 'ચંદ્રયાન', 'રમતોમાં સફળતા' અને 'વિકસિત ભારત' સ્પર્ધાની થીમ હતી.
આ સ્પર્ધામાં કેન્દ્રીય વિદ્યાલય પોરબંદર અને જવાહર નવોદય વિદ્યાલય પોરબંદરના કુલ 20 વિદ્યાર્થીઓ અને જિલ્લાની અન્ય શાળાઓના 5-5 વિદ્યાર્થીઓએ ભાગ લીધો હતો. સ્પર્ધામાં કુલ 100 સ્પર્ધકોએ ભાગ લીધો હતો.
સ્પર્ધા વિજેતાઓ પાંડાવદરા ઈશા પ્રથમ નંબર , મહેક કક્કર દ્વિતીય, બાદરશાહી આર્યન તૃતીય, ધ્રુવી જુંગી ચોથો, રૂદ્રેશ ખોરાયા પાંચમું સ્થાન મેળવ્યું હતું. આ પ્રસંગે વિવિધ શાળાઓના શિક્ષકો ઉપસ્થિત રહ્યા હતા.
Click it and Unblock the Notifications
Sign in with Google
