બોયફ્રેંડ વિરાટનો બર્થડે ઉજવવા અમદાવાદ પહોંચી અનુષ્કા!

અમદાવાદ, 5 નવેમ્બર: ફિલ્મ અભિનેત્રી અનુષ્કા શર્મા પોતાના બોયફ્રેંડ વિરાટ કોહલીનો જન્મદિવસ ઉજવવા માટે અમદાવાદ પહોંચી ગઇ છે. વિરાટ કોહલી હાલમાં અમદાવાદમાં પોતાની ટીમની સાથે છે.

ગુરુવારે અમદાવાદમાં ભારતીય ટીમ શ્રીલંકાની સાથે વન-ડે મેચ રમશે. એક સૂત્રએ જણાવ્યું કે મંગળવારે અમદાવાદમાં એક ફ્લાઇટથી અનુષ્કાને ઉતરતા જોવામાં આવી છે. શર્મા વિરાટના જન્મદિવસ પર તેમની સાથે રહેશે અને તેમની સાથે ઉજવણીમાં પણ સામેલ થશે.

જોકે તેઓ જન્મદિવસની ઉજવણી વધારે વાર સુધી નહી કરી શકે કારણ કે ગુરુવારે વિરાટને શ્રીલંકાની વિરુદ્ધ મેદાનમાં ઉતરવાનું છે. કોહલી પાંચ વનડે મેચોની આ શ્રેણીના પહેલી ત્રણ મેચોમાં ટીમના કપ્તાન તરીકે રમશે.

નોંધનીય છે કે અનુષ્કાના 26માં જન્મદિવસ પર કોહલી તેમનો બર્થડે મનાવવા ઉદયપુર પહોંચી ગયા હતા. તે સમયે અનુષ્કા ઉદયપુરમાં એક ફિલ્મની શૂટિંગ કરી રહી હતી. કોહલી ઇન્ડિયન પ્રિમિયર લીગ પૂરી થતા જ ફ્લાઇટ પકડીને ઉદયપુર પહોંચી ગયા હતા.

પોતાના સંબંધો પર હંમેશા ચુપ્પી રાખનાર અનુષ્કા અને વિરાટ કોહલીને ઘણી વખત એક સાથે જોવામાં આવ્યા છે. ગયા સપ્તાહે તેમને બાંદ્રાના એક રેસ્ટોરન્ટની બહાર નિકળતા જોવામાં આવ્યા હતા. આ ઉપરાંત પણ તેમને ઘણા અવસરે એક સાથે જોવામાં આવ્યા છે.

English summary

Anushka Sharma reached at Ahmedabad to celebrate Virat Kohli's birthday.