ભાજપ પર અર્જૂન મોઢવાડિયાએ લગાવ્યો ગંભીર આરોપ, કહીં આ વાત
કોંગ્રેસના વરિષ્ઠ નેતા અર્જૂન મોઢવાડિયાએ ગુજરાત સરકાર પર આર્થિક પ્રબંધનમાં અસફળ રહેવાનો આરોપ લગાવતા જણાવ્યું હતું કે, ચાલુ નાણાકીય વર્ષમાં રાજ્ય પર 4.17 લાખ કરોડ રૂપિયાનું દેવું થશે.
ગુજરાત સરકારે મહેસૂલી આવકના 45 ટકા વ્યાજ, પગાર અને પેન્શન ચૂકવવા પાછળ ખર્ચવા પડે છે. ગુજરાત સરકાર પર વીજ ઉત્પાદન ઘટાડીને ખાનગી વીજ સપ્લાયરોને કરોડો રૂપિયાનો નફો આપવાનો પણ આરોપ હતો.
ગુજરાત વિધાનસભાના બજેટ સત્રના અંતના એક દિવસ પહેલા બુધવારના રોજ ઉર્જા વિભાગની માંગણીઓ પરની ચર્ચા દરમિયાન ધારાસભ્ય મોઢવાડિયાએ જણાવ્યું હતું કે, રાજ્ય સરકાર રાજ્યના વિકાસના દાવા કરે છે, પરંતુ અયોગ્ય વ્યવસ્થાપનને કારણે રાજ્ય સરકારનું ચાલુ નાણાકીય વર્ષના અંતે 2020 સુધીમાં રાજ્ય પરનું દેવું વધીને રૂપિયા 4 લાખ 17 હજાર 978 કરોડ થઈ જશે.
આવકનો લગભગ અડધો હિસ્સો વ્યાજ ચૂકવવામાં ખર્ચ થાય છે - મોઢવાડિયાએ જણાવ્યું હતું કે, મહેસૂલી આવકનો લગભગ અડધો હિસ્સો વ્યાજ, પગાર અને પેન્શન ચૂકવવામાં ખર્ચાઈ રહ્યો છે, ત્યારે સરકાર પાસે વિકાસ માટે પૈસા ક્યાંથી બચશે.
આ સાથે મોઢવાડિયાએ આક્ષેપ કર્યો છે કે, લિગ્નાઈટ અને અન્ય પાવર પ્લાન્ટ્સને ટેકનિકલી અપગ્રેડ કરવાને બદલે સરકાર તેને બંધ કરી રહી છે, અને ખાનગી પાવર સપ્લાય કરતી કંપનીઓ અદાણી, ટોરેન્ટ વગેરે પાસેથી મોંઘા ભાવે વીજળી ખરીદી રહી છે, જેના કારણે સરકારને કરોડો રૂપિયાનું નુકસાન વેઠવું પડે છે.
સરકાર પર વીજ ખરીદીનો વધારાનો બોજ વધ્યો - અર્જૂન મોઢવાડિયાનો આરોપ છે કે, ગુજરાત સરકારે લિગ્નાઈટ પ્લાન્ટની ઉત્પાદન ક્ષમતા 1200 મેગાવોટથી ઘટાડીને માત્ર 707 મેગાવોટ કરી છે, જેના કારણે સરકાર પર વીજ ખરીદીનો વધારાનો બોજ વધી રહ્યો છે.
ખાનગી ઔદ્યોગિક જૂથોને 2 લાખ હેક્ટર જમીન - હાઇડ્રોજન પ્રોજેક્ટ માટે ખાનગી ઔદ્યોગિક જૂથોને 2 લાખ હેક્ટર જમીન આપવામાં આવી હતી, પરંતુ હજુ સુધી કોઈ કંપનીએ ઊર્જા ઉત્પાદન માટે કામ શરૂ કર્યું નથી. હાઇડ્રોજન પ્રોજેક્ટ માટે બિડ કરવાને બદલે સરકારે રિલાયન્સ એન્જિનિયરિંગને 75 હજાર હેક્ટર જમીન, અદાણીને 85 હજાર હેક્ટર, ટોરેન્ટ પાવરને 18 હજાર હેક્ટર, મિત્તલ, આર્સેલર, ટોરેન્ટ, વેલસ્પનને 2 લાખ હેક્ટરથી વધુ જમીન આપી છે, પરંતુ એક પણ કામ શરૂ થયું નથી.
Click it and Unblock the Notifications
Sign in with Google
