Bhavnagar: સેપ્ટિક ટેન્કની સફાઇ દરમિયાન સફાકર્મીનું મોત, ઉઠ્યા ગંભીર સવાલ
Bhavnagar: ભાવનગરમાં BMC એટલે કે ભાવનગર મહાનગરપાલિકાની સેપ્ટિક ટેન્કની સફાઇ કરતા સમયે મોત નિપજ્યું હતું. આ સાથે અન્ય એક કર્માચારી આ ઘટનામાં ઘાયલ થયો હતો.
ભાવનગર મહાનગરપાલિકા (Bhavnagar Municipal Corporation) દ્વારા જણાવ્યા અનુસાર, આ ઘટના શુક્રવારની છે, જ્યાં સેપ્ટિક ટેન્કની સફાઇ દરમિયાન એક સફાઇ કર્મીનું મોત થયું છે. મૃતકના ભાઇએ બીએમસી પર ગંભીર સવાલો ઉઠાવ્યા છે. હાલ આ મામલે તપાસ ચાલી રહી છે.
BMC કમિશનરે આપી આ માહિતી - ભાવનગર મ્યુનિસિપલ કોર્પોરેશનના કમિશનર એન. વી. ઉપાધ્યાયે શનિવારના રોજ માહિતી આપી હતી કે, સેન્ટ્રલ સોલ્ટ એન્ડ મરીન કેમિકલ્સ રિસર્ચ ઈન્સ્ટિટ્યૂટના પરિસરમાં બનેલી સેપ્ટિક ટાંકીને ગયા શુક્રવારના રોજ સાફ કરવામાં આવી રહી હતી. જેન્ટિંગ મશીનની મદદથી આ સફાઈ કરવામાં આવી રહી હતી.
આ દરમિયાન કોર્પોરેશનનો એક કર્મચારી ટાંકીને સાફ કરવા માટે અંદર ગયો અને તેને કોઈ ઝેરી ગેસનો શ્વાસ લેવામાં આવ્યો હતો. તેને બચાવવા કોર્પોરેશનનો અન્ય એક કર્મચારી ટાંકીમાં ઉતરી ગયો હતો અને તેને સુરક્ષિત બહાર કાઢ્યો હતો, પરંતુ આ દરમિયાન ગૂંગળામણને કારણે તેનું મોત થયું હતું. BMC કમિશનરે વધુમાં કહ્યું કે, આ મામલાની તપાસ કરવામાં આવી રહી છે.
મૃતકના ભાઈએ ઉઠાવ્યા ગંભીર પ્રશ્નો - મૃત્યુ પામેલા ભાવનગર મ્યુનિસિપલ કોર્પોરેશનના કર્મચારીની ઓળખ 45 વર્ષીય રાજેશ વેગડ તરીકે થઈ છે. રાજેશના ભાઈએ તેના મૃત્યુ અંગે ગંભીર સવાલો ઉઠાવ્યા છે.
મીડિયા સાથે વાત કરતા મૃતકના ભાઈ દીપકે કહ્યું કે, જ્યારે ત્યાં જેટિંગ મશીન હતું અને તેનો ઉપયોગ થઈ રહ્યો હતો, તો પછી તેના ભાઈને સેપ્ટિક ટેન્કમાં કેમ નીચે ઉતારવામાં આવ્યો?
દીપકે વધુમાં જણાવ્યું હતું કે, અમારા પરિવારમાં રાજેશ એક માત્ર પૈસા કમાતા હતા. મહાનગરપાલિકાએ આર્થિક વળતર આપવું જોઈએ અને તેની સાથે તેમના પુત્રને પણ નોકરી આપવી જોઈએ.
Click it and Unblock the Notifications
Sign in with Google
