ભાવસિંહ રાઠોડે ભાજપ છોડી ફરી કોંગ્રેસનો હાથ ઝાલ્યો

ગાંધીનગર, 6 નવેમ્બરઃ વિધાનસભાની ચૂંટણીને હવે બહુ વાર નથી અને કઇ બેઠક પર કયા ઉમેદવારને ઉભો રાખવો તે માટેની પસંદગી પ્રક્રિયા અંતિમ તબક્કામાં છે, ત્યારે બીજી તરફ પક્ષ પ્રત્યેના અસંતોષના કારણે ભાજપ અને કોંગ્રેસમાં પક્ષ છોડવાનું કાર્ય ચાલું જ છે. હાલના ભાજપના ધારાસભ્ય ભાવસિંહ રાઠોડેપોતાની મરજી અનુસાર બેઠક નહીં મળતાં ભાજપ સાથેનો છેડો ફાડી કોંગ્રેસનો હાથ પકડ્યો છે.

પક્ષ છોડવા પાછળનું કારણ સમીની બેઠક રદ થવી અને રાધનપુરની બેઠક તેમને મળે તેમ નહી હોવાનું છે. ભાવસિંહ રાઠોડ કોંગ્રેસમાં જોડાવાથી ભાજપને ઉત્તર ગુજરાતના ઠાકોરની વસ્તીવાળા મતવિસ્તારોમાં નુક્સાન જશે અને તેનો લાભ કોંગ્રેસને મળશે.

અત્રે એ વાત નોંધનીય છે કે, 2007માં તેઓ કોંગ્રસ તરફથી વિધાનસભાની ચૂંટણી લડ્યા હતા. 2009માં તેઓ ભાજપ તરફથી લોકસભાની ચૂંટણી લડ્યા પરંતુ તેમા તેમનો પરાજય થયો. 2010માં સમી હારીજની ખાલી પડેલી બેઠક પર પેટા ચૂંટણી યોજાતા તેઓ ભાજપ તરફથી ઉમેદવાર રહ્યા અને વિજયી થયા હતા.

English summary

BJP MLA from Sami Bhavsinh Rathod joined Congress at a function in Asarwa.