ગુજરાત BJP ધારાસભ્ય કેતન ઈનામદારે આપ્યુ રાજીનામુ, સરકાર પર લગાવ્યો આરોપ

ભાજપ ધારાસભ્ય કેતન ઈનામદારે જનતાના કામ ન થવા તેમજ ઉપેક્ષાથી કંટાળીને બુધવારે ધારાસભ્ય પદેથી રાજીનામુ સોંપી દીધુ.

Published: Thursday, January 23, 2020, 9:58 [IST]

ભાજપ સાંસદો બાદ હવે ધારાસભ્ય પણ ગુજરાતની રૂપાણી સરકારની કાર્યશૈલી પર સવાલ ઉઠાવવા લાગ્યા છે. ભાજપ ધારાસભ્ય કેતન ઈનામદારે જનતાના કામ ન થવા તેમજ ઉપેક્ષાથી કંટાળીને બુધવારે ધારાસભ્ય પદેથી રાજીનામુ સોંપી દીધુ. રાજ્યની રાજનીતિમાં આને મુખ્યમંત્રી રૂપાણી માટે મોટો ઝટકો માનવામાં આવી રહ્યો છે. વળી, વિધાનસભા અધ્યક્ષે રાજીનામુ મળવાનો ઈનકાર કર્યો છે.

વડોદરા જિલ્લાના સાવલી વિધાનસભાથી ચૂંટાયેલા ધારાસભ્ય કેતન ઈનામદારે વિધાનસભા અધ્યક્ષ રાજેન્દ્ર ત્રિવેદીને આપેલા પોતાના રાજીનામામાં કહ્યુ કે સરકાર તેમજ પ્રશાસનમાં સંકલનનો અભાવ છે. મંત્રી તેમજ અધિકારી તેમના વિસ્તારના વિકાસ તેમજ જનતાના કાર્યો માટે નીરસ છે.તેમની ભલામણ છતાં તેમની તેમજ તેમના કામોની ઉપેક્ષા કરવામાં આવી રહી છે. ઈનામદારે એ પણ કહ્યુ કે જનપ્રતિનિધિ તરીકે તેમનુ સમ્માન રાખવામાં આવતુ નથી. ધારાસભ્યના રાજીનામાથી એક વાર ફરીથી રાજ્યની રાજનીતિ ગરમાઈ છે. કોંગ્રેસ પ્રવકતા મનીષ દોષીએ કહ્યુ કે ભાજપ સરકારમાં ધારાસભ્યોના કામ નથી થઈ રહ્યા. મંત્રી તેમજ અધિકારી ધારાસભ્યોની નથી સાંભળતા, સરકારમાં પૉલિસી પેરાલિસીસની સ્થિતિ છે. સરકારના સેવા સદન હવે મેવા સદન બની ગયા છે. જ્યાં પૈસા વિના કામ થતા નથી.

ઉલ્લેખનીય છે કે સત્તાની ગલીઓમાં છેલ્લા કેટલાક દિવસોથી મુખ્યમંત્રી વિજય રૂપાણી માટે ઘણા પ્રકારની અટકળો ચાલી રહી છે. ભરતી પ્રક્રિયામાં અનિયમિતતા, સાંસદો તેમજ ધારાસભ્યોની ભલામણ છતાં જનતાના કામ ન થવાની વાત માટે પહેલા સાંસદ તેમજ હવે ધારાસભ્ય પણ સરકારની કાર્યશૈલી પર સવાલ ઉઠાવવા લાગ્યા છે. વિધાનસભા અધ્યક્ષ રાજેન્દ્ર ત્રિવેદીએ કેતન ઈનામદારનુ રાજીનામુ નહિ મળવાની વાત કહી.

વળી, ભાજપ અધ્યક્ષ જીતુભાઈ વાઘાણી તેમજ પ્રવકતા ભરતભાઈ પંડ્યાએ મીડિયાના માધ્યમથી રાજીનામુ મળવાની વાત કહી છે. પંડ્યાએ કહ્યુ કે સરકાર તેમજ પ્રશાસનમાં કયા અધિકારી તેમના કામોની ઉપેક્ષા કરી રહ્યા છે તેની માહિતી મેળવવામાં આવશે. તેમણે આશા વ્યક્ત કરી કે ઈનામદાર પહેલાની જેમ ભાજપને સમર્પિત તેમજ નિષ્ઠાવાન કાર્યકર્તાની જેમ જનસેવાના કામ કરતા રહેશે. પંડ્યાએ કહ્યુ કે કોંગ્રેસ ધારાસભ્યના રાજીનામાથી ઉત્સાહમાં ના આવે, સરકાર તેમજ સંગઠનમાં બધા બરાબર છે.

Published On January 23, 2020