ટેલિકોમ અધિકારી વિરુદ્ધ CBIની કડક કાર્યવાહી, ડીએ કેસમાં ગુજરાત, રાજસ્થાનમાં 5 સ્થળો પર સર્ચ ઓપરેશન
CBI searches in Gujarat: સેન્ટ્રલ બ્યુરો ઓફ ઇન્વેસ્ટિગેશન (CBI) એ 1999-બેચના ઈન્ડિયન ટેલિકોમ સર્વિસ (ITS) અધિકારી અને અન્યો સાથે સંકળાયેલા રૂપિયા 1.48 કરોડની અપ્રમાણસર સંપત્તિ સાથે સંકળાયેલા કેસ સંબંધિત ગુજરાત અને રાજસ્થાનમાં પાંચ સ્થળોએ સર્ચ હાથ ધર્યું હતું.
તેના સત્તાવાર નિવેદનમાં, સીબીઆઈએ જણાવ્યું હતું કે, તેણે અપ્રમાણસર સંપત્તિ ધરાવવાના આરોપમાં ITS (ભારતીય ટેલિકોમ સેવા :1999) અધિકારી અને અન્ય લોકો સામે કેસ નોંધ્યો છે.
એવો આક્ષેપ કરવામાં આવ્યો હતો કે, આરોપી (ITS:1999), રાજસ્થાનમાં કામ કરતી વખતે તેના નામે અને તેના પરિવારના સભ્યો (પત્ની), (માતા) અને HUFના નામે જયપુર, અજમેર અને રાજસ્થાનના અન્ય અલગ-અલગ સ્થળોએ સંપત્તિઓ એકઠી કરી હતી.
સીબીઆઇએ પોતાના નિવેદન ઉમેર્યું હતું કે, વધુમાં એવો આક્ષેપ કરવામાં આવ્યો હતો કે ઉક્ત જાહેર સેવકે તેના નામે અને તેના પરિવારના સભ્યોના નામે રૂપિયા 1,48,83,998/- (અંદાજે) ની મિલકતો મેળવી હતી, જે 01.01.2014 થી 31.01.2017 સુધીનો સમયગાળો દરમિયાન તેની આવકના જાણીતા સ્ત્રોતોથી અપ્રમાણસર હતી.
જયપુર, અજમેર અને અમદાવાદ (ગુજરાત) સહિત 05 સ્થળોએ આરોપીઓની સત્તાવાર અને રહેણાંક જગ્યાઓ પર સર્ચ કરવામાં આવ્યું હતું, જેના કારણે ગુનાહિત દસ્તાવેજો અને આરોપીના અજમેર ખાતેના ઘરેથી 2.5 લાખ રૂપિયાની તપાસ ચાલુ છે.
Click it and Unblock the Notifications
Sign in with Google
