વડાપ્રધાન મોદીને મળવા દિલ્હી પહોંય્યા મુખ્યમંત્રી ભૂપેન્દ્ર પટેલ

ગુજરાતના મુખ્યમંત્રી ભૂપેન્દ્ર પટેલ ગાંધીનગરમાં કેબિનેટની બેઠક અને અન્ય કામકાજ પૂર્ણ કર્યા પછી રાષ્ટ્રીય રાજધાની નવી દિલ્હી ગયા અને બેઠક યોજવા લોક કલ્યાણ માર્ગ સ્થિત વડાપ્રધાન નરેન્દ્ર મોદીના નિવાસસ્થાને પહોંચ્યા છે.

ભૂપેન્દ્ર પટેલ અને વડાપ્રધાન મોદીએ બેઠક યોજી હતી, જેની વિગતો ઉપલબ્ધ નથી. ભૂપેન્દ્ર પટેલ અને મોદી વચ્ચે આ બીજી મુલાકાત છે. એવું પણ જાણવા મળ્યું છે કે, કેન્દ્રીય ગૃહ મંત્રી અમિત શાહ પણ આ બેઠકનો ભાગ હતા.

બેઠકનો એજન્ડા આગામી વાઈબ્રન્ટ ગુજરાત ગ્લોબલ સમિટની આસપાસ છે, જેનું ઉદ્ઘાટન વડાપ્રધાન મોદી 10 જાન્યુઆરીના રોજ ગાંધીનગરમાં કરવાના છે. ગુજરાત સરકાર દ્વારા જણાવવામાં આવ્યું હતું કે, વિવિધ રાષ્ટ્રોના વડાપ્રધાનો અને રાષ્ટ્રપતિઓ ભારત અનેવિદેશની કંપનીઓ સીઈઓ સાથે સમિટમાં ભાગ લેશે.

વડાપ્રધાન ટૂંક સમયમાં ગુજરાતમાં રાજકોટ એઈમ્સ અને સાબરમતીમાં મલ્ટી-મોડલ હબ અને બેટ દ્વારકા-ઓખા દરિયાઈ પુલ સહિત અનેક વિકાસ પ્રોજેક્ટોનું ઉદ્ઘાટન કરે તેવી પણ શક્યતા છે.

લોકસભાની સામાન્ય ચૂંટણીને છ મહિના કરતાં પણ ઓછો સમય બાકી છે, અને વિપક્ષના બે ધારાસભ્યોએ રાજ્યની વિધાનસભામાંથી રાજીનામું આપી દીધું છે, ત્યારે મુખ્યમંત્રી ભૂપેન્દ્ર પટેલ અને વડાપ્રધાન વચ્ચે બેઠક પણ થઈ રહી છે.

English summary

Chief Minister Bhupendra Patel went to Delhi to meet Prime Minister Modi